Hallelujah!

Siar: Isaiah 9:1-7

Asinan keimah i ttantu cu a nung ti ka thei. A netnak ah leilung parah a ding leh ding. – Job 19:25

Kumkhat sung Baibal:  – Thuphuan 11-16   – Thufim 29:1-7

Hla phuah thiam George Frideric Handel cu 1741 kum ah leiba sam thei loin a umlai ah Dublin ih farah bawmtu pawl in Hla ngan ding hnattuan an pek. Cumi cu leiba kuan thei lo pawl thawngtlaknak hmun ihsin a lenglam ih miluat pawl hnenah Fund hawl theinak ding caan ttha a si. Curuangah cuih hnattuan cu a cohlang ih cawl baang loin a ttuan.

Ni 24 sungah Hallelujah Chorus a telmi hminthangzet Messiah Album sungih Hla pawl a ngan ttheh. Cumi caanlai ah innleng suak dah loin le a caancaan ah rawl hman ei loin hna a ttuan. A hla phuahmi a tthat zia a hmuh tikah Handel cu a ttap kha a hnen-um pa in a hmu. A hmuhtonmi pawl a ruah saal tikah Handel in, “Hih hla ka nganlai ah ka taksa ruangpi ah ka kop aw maw kop aw lo ti ka thei aw lo. Pathian lawng in a thei. Vancungram le Pathian Amah rori ka hmai ah ka hmu ti’n ka ruat,” tiah a sim.

Hallelujah Chorus” hla kan ngai tinte’n ka thlarau thazaang a thoter. Nang khal na si ve ding ka zum. Awnmawi ngai nuam men lawng si loin zumnak thawn kan thinlung sangka ong in Isaiah cabu ih in tiamkammi Messiah cu cibai uhsi! Kanmah rundam dingin Messiah cu Jesuh Khrih in a ra zo. “Kan hnenah naute a suak zo; Fapa pek kan si zo. Uknak cu a liang parah suah a si” (Isa.9:6).

A mawimi Runtu, miphun hmuahhmuah ih Bawi,

Pathian Fapa le milai Fapa;

Sunlawinak le upatnak, thangtthatnak thawn biak ding mi cu,

Atu le a kumkhua in Nangmah na si.

A saangbik Pathian laksawng in

a thukbikmi kan lungawinak a tharthawh.

Comments

comments

Comments

%d bloggers like this: