Halhsik Ruangah Thisen Suak Ko-in Hnam

Rhys
January Van
Rhys Culley (kum 23) cu halhsik hnam in a Falanu a hnam thu Daily Mail in a taarlang.

Zuk sungih kan hmuh vekin Culley cun a fala, Chanttelle Ward (kum 18) cu halhsiknak ruangah nasa zetin a hnam. Hnattuan dingah khual tlawng ding asi ih a fehhlante ah a hnam ih a hnam phah in a hmur tlunlam a keusak cih ti asi. A hmur a keusak hlante ah kum 2 lai rak komaw zomi, a falanu cu a hlan vekin i duh lai maw..? ti’n a sut ih a von hnam. Cun, a hmur tlunlamtu kha a keusak ih thi a suak. Cu’i thisuakmi cu a Biangah a hei maansak ih na Biang cu thi in a khat a ti bet.

An thuhla umdaan cu tuihlan thlakhat hrawngah Ward in online ihsin tlangval a nei ti’n Culley in a thei ti asi ih asi ngai maw ngai lo ti hliah dingin Ward ih mail account cu a onsak. An cakuat-awkmi a rak um nawn lo ruangah Culley cu a thin a heng tuk ti asi.

Cuti’h a hmur a keusak ruangah Ward cun Palik a phone. Cumi hlante ah Culley cu thinheng tuk ti fahran ah a falanu’i phone khal a lonsak, thilri thawn a deng, a sam a dirhsak ih a khon ciamco ti’n Ward in Court ah a sim. Ward cu sizungah an thlenpi ih an cek tikah a hmur cu Haa-neh a lang, a pawhte khalah hriamhma a ngah ih a taksa hmundang khalah hriamhma a pu ti asi. Culley cu a thu relsak dingin Court ah an thlen.

Hi thu hi Ward ih umnak South Shilelds, Tyneside ah asi ih tu’i kum February 22 ih thu um asi.

(Visited 892 times, 1 visits today)

Comments

comments

Comments

%d bloggers like this: