Hakha Private University Hrang Hmun Zoh Felzo

Hakha Khawpi Zuk Pic - Daniel Sakhong

Hakha Khawpi Zuk
Pic – Daniel Sakhong

The Hakha Post

Hakha: Chin ramkulh khawpibik Hakha khawpi ih University tlawng dinnak ding hrang hmun le hma pawl zoh fel a si zo tiin thutheih a si.

A umnak ding hrang ih a hmun le hma zohnak ah khua nu/pa pawl in an bawm ih November 30 ni ah Artlangzau (Khuathar, Hakha) le Haithlaan (Khuahlun, Hakha) ih sak dingin an zohfel zo tiah The Hakha Post cun a tarlang.

Artlang zau hmun cu  Khuathar, Hakha ih um mi a siih ‘Farkung le hram buk mawi tete umnak a si ih tlanlennak ding hrangih duh um zet  hmun pakhat a si’ tiah khua nu/pa pawl cun an ti. Hi hmun ah hin hmun rawn mawi zetzet pali a um ih a saulam pi 5280, a kauhlam ah pi 500 tluk hrawng ih kau an si ti khal cun an sim tel bet.

Haithlaan hmun khal November 30, tlailam ah zohnak an nei ṭhiamṭhiam ih, a saulam penghrek tluk le a kauhlam pi 500 tluk ih hmun rawn nuam a si tiin an ti. Hi hmun hi Tidai a ṭha ih sunhlu kung pawl khal an tam zet ih hmun nuam pakhat cu a si thotho tiah an sim.

‘Hi tiih hmun hnih hmunṭha a um ruangah kan mah khua nu/pa lawng ih hril thei ding mi a silo ih khua mipi zate lungkimnak in kan hril khawm ding mi a si’ tiah khua nu/pa pakhat cun a sim fawn. “ Hi mimal neih dingmi phunsang tlawng (university) hi acozah in siannak in pek lo khalah kan sak peh thotho ding mi a si’ tiah a sim tel bet.

Comments

comments

One Comment

  1. Private Universities are better institutions than state(government)universities. To run the institution in the long run may be a difficult task for us(financially).

Comments

%d bloggers like this: