The Hakha Post Chin Miss Universe Mai Lal Biak Par Ih Thuhla Tawi

The Hakha Post Chin Miss Universe Mai Lal Biak Par

Hakha peng ih thuthangca thabik pakhat a si mi “The Hakha Post” in a hmaisabiknak Vandumkulh Lengdawh hrilnak a nei ih Falam peng ihsin Mai Lal Biak Par cun a pakhatnak a ngah a si. The Hakha Post Chin Miss Universe hrilawknak ahhin Chin-mi sung ihsin mah le peng aiawh in lengdawh 7 lenglo zuamawknak ah an tel.

The Hakha Post Chin Miss Universe hrilnak cu online ihsin tuah a si ih Mai Lal Biak Par hin mipi duhsaknak le ngainatnak a co tambik a si. Tedim peng ihsin Ning San Lian in 1st Runner up a ngah ih Matupi peng ihsin Paw Hmaw Ling in 2nd Runner up a ngah ve. Himi lengdawh hrilnak hi December 19, 2016 ihsin online ah vote ding in mipipawl hnen langternak an rak nei thok ih January 2, 2017 ah mipi hnen ah a result phuansuahnak an nei.

Zuamawknak ih teltu peng pawl tla cu, Thantlang, Hakha (mi pahnih), Falam, Tedim, Mindat, Matupi pawl an si. Tui ttum zuamawknak hi online sirhsan ih tuah a si ih share, comment, like, vote dandang (SMS), Viber, Messenger, Phone, People Reached) le Editors’ votes pawl thawn mark pek a si.

Mai Lal Biak Par ih Thuhla Tawi

Mai Lal Biak Par ih duatkawh hi Parpar a si. Thuamhnaw le thuamawk daan ngaithupi zet a si. Tuitum Chin lengdawh hrilnak ah tel dingah tuanvo neitupawl ih sawmnak a cohlang ih a zuk pawl online ih tarlang a si ve ten Chin mipi ih hnen ihsin vote peknak le duhsaknak awkam tampi zet a co.

Amah hi zirnak lam ah LL.B(Law) a theh suak zo. A tu hi a hmaisabik lengdawh hrilawknak ih a telnak a si. Mai Lal Biak Par hi Falam, Cambary ah a suak ih Falam ah tlawng a kai. India ah kum 4 lenglo a rak um dah. Mai Lal Biak Par hi Pa Lal Zar Lian le Nu Hnem Iang ih fa 7 lak ih 5 nak a si.#

 

Comments

comments

Comments

%d bloggers like this: