Hakha Pacang Naam In Mahten Hngawng Aat Aw Ih Thin Ah Sun Aw That Bet

image

Hakha Dawrhluh veng ih um Pu Ceu Uk, kum 30 mi cun a mah ten a hngawng ah naam in a aat aw ih a thin ah a sun awk bet ruangah October 28, 11:30 hrawngah a nunnak a cem.

Rawl suannak naamte (a fok a airhre mi) thawn a dawt in a aat aw tiah thuhram laknak cun a tarlang. A hnawng hi hmun hnihin a aat aw ih a thin ah a sun aw bet tiah the Hakha Post cun a tarlang. Ziang ruang bik ih that aw a si tilawng te theih a si hrih lo.

A dawh awk laifang ih a kiangkap umtu pawl in kaih an tum nan naamte thawn an mah pawl khal a tin hai ruangah an kai hrem ngamlo. “Thuhla an theih veten in ko ih kaihhrem kan tumnan, kaih ngam ci a si lo. Mizan ihsin inn ah ka riak lo ih ziangruangah ti ka thei lo” tiin pu Ceu Uk ih suahli unau pakhat cun a sim. Palik pawl an ko ih an ra thlen veten a naamte cu hlon in an inn hnen tei inn sungah a lut ih inn sung sangkate ihsin a dawp thla.

Palik pawl cun a dawp thlaknak ihsin an tuamhlawm cihih sizung an thlen pi man nan a nunnak in daih nawn lo in mual a liam san.

Pu Ceu Uk hi Hakha, Vomtu Maing Bualrawn kiang ih um mi a siih a ruang hi Pu Tawk Thang inn ah an tlun. (Hakha Post)

(Visited 1,515 times, 1 visits today)

Comments

comments

Comments

%d bloggers like this: