Hakha Khuanu/Pa In Laiva Tidai Lak Dingin VP2 Dil Mi Falam Khuanu/Pa In Awm Tilo

Zuktu: Pu Dar, Laiva Tidai laknak hrang Pipe phum mi zohfel lai.

Falam peng ih um mi Laiva Tidai laknak hrang tuah rero lai mi ah Hakha Khuanu/pa pawl cun Hakha khawpi hrang pe ve dingin an dil ve tiah thu kan dong. An dilnak cu VP2 cun tahfelnaknei hmaisa dingin a rak sim ti khal in thu kan thei.

Laiva Tiva cu Falam khawpi hrang ding Myanmar rampi President ih sumpai rikhiahnak thawn ṭuan dingin siannak a pek mi a si.

‘Falam mipi hrang hman a sinpi hrihlo mi asi ruangah Hakha khuanu/pa pawl ih dilnak cu thil remcang lo mi le cohlang theih hrihlo ding mi dinhmun khi a si hrih’ tiin Falam khuanu/pa cun an rak ti ve.

Hakha khawpi hrang 2014 ah Timit tiva ihsin tidai laknak ding hrang, Myanmar A Hlah company in Ting 89000 cem dingin an rak ṭuan ih, khawsung tiang tidai a thlen theinak dinghrang Ting 26000 an bet sal hrih. Asinan tui nitiang ah an hlawhtling hrihlo. Tutiang ih an cemliam mi zate kom in Kyat 11.5 Billion a siih Falam ih ngah mi cu Kyat 5 Billion lawng a si.

Laiva tidai laknak ding hrang cu Myanmar rampi president in MMK ting 50000 cem ih ṭuan dingin a nemhnget mi le a pek mi a siih March 31, 2018 hlan ih tuahfel dingih pek mi a si. Falam khawpi umtu, mipi 30000 pawl hrang ah, minung 1 in nikhat ah Gallan 25 tiang hmang thei ding daih ih ruahmi thawn U Htin Kyaw ih a pek mi a si.#

(Visited 59 times, 2 visits today)

Comments

comments

Comments

%d bloggers like this: