Hakha Khawthlir Ih Sualawtu Mi 6 Kai Zo; 15 Pawl Hawl Lai

Hakha khawthlirnak hmun ih November 26 niih mawihnai lozet ih mino bur in mi an sual bormi thuhla thawn pehparin Chin ramkulh Sipin lam in misual pawl an kai thok ih mi 6 pawl an kai zo tiah thu kan dong.

Hi a burpi ih sualawknak ah tleirawl mi 20 lenglo an tel tiah zum a siih himi pawl hi a zaten thuneitu pawl kaihthluh dingin an hawl rero. Hakhar sirhsan ih thuthang phuangtu Chinland Post cun himi thu ah mi 6 pawl cu an kaingah zo ih anmah lak ih mi 4 pawl cu sizung ah an fehpiih an lakih pakhat hliam nazet ih tuartu cu sizung ah a um tiin a tarlang. Sizung um lo a dang pathum pawl hi tlawngkai lai an si ruangah, thutiamnakfek (aa-mah-khan) thawn suah sung an si hrih tiin a ngan.

A dang mi 15 pawl khal an hawl rero lai tiah theih a si. Hi sualawknak ih tel kaihhnawh zaten daan vekin an tlun ah rorel sak an sidingin tiin Chin ramkulh sipin kaihruaitu lu Pu Thla Hre cun a sim.

Hi vekih duhnung lozet ih Chin mino cangvaihnak Online parih a hmutu Chin mino tamzet le hruaitu pawl cun, nasa ngaiten an dam cio.#

 

(Visited 240 times, 4 visits today)

Comments

comments

Comments

%d bloggers like this: