Hakha Ih Puak Mi Hi ZIAN A Si Zum, BOMB A Si Lo Hmang

12234893_935152339855723_3002293937447844803_n

Hakha in November 22, zan ih puak mi hi raldonak ih hman mi bomb siloin lungto pawl khuainak ih hman mi ZIAN ruangah a si ding tiah zum a si. Hi zian puak ruangah mi 6 le hliamtuar in mi 7 pawl a tuah hlei ah inn 7 pawl a siatsuah.

Siatralnak a tuartu mi panga pawl hi sungkua khat an si. An lakah nauhak kum 7 mite khal a tel. Mithi hi mipa 4 le nunau 2 an si.

Rampi thuthang latu Irrawaddy le Eleven Media ih a tarlang dan ahcun inn puak tuartu Pu Jonah inn ah meithal ZIAN an ret mi a kang pangnak ihsin puak mi a si ding tiah an zum thu Hakha ih palik bawi Myin Lwin ih a sim thu an tarlang. Palik pawl ih an zumnak ahcun meisa a ngah lo ruangah sathau an vang miin an ZIAN a nawkngah a si ding tiah an ti.

February thla ah ZIAN thu ruangah kaihkhih a rak tuartu nu pakhat khal, hi zan ah zanriah a eiin a um ih a riak tiah thudon a si. Hi vekih thubuai a rak neih dah zo ruangah thawng khal reipi a rak tla. Tu hi thawng ihsin a suak pek nihnih lawng a si hrih lai.

Tui sunah Chin ramkulh rorel inn pi cun lakhruak thurelnak an neiih Pu Jonah inn ih daan lo ih an ret mi ZIAN ruangah inn neitu pa hi sualphurh a si ding titla in thuhram laknak cun a tarlang. Thuhla pawl hi zingzoi rero lai a siih thufel fai theih thei ding khal ruahsannak a um zet.

Siatral a tuartu innsang le Pi Thong Thluai ih ruang khal tuisun ah tluangten vuiliamnak an nei zo.

ED/- ZIAN hmangih tuah mi lampi laihnak ih an hman theu mi hi bomb tiah olsamnak in koh a sinan, tuitumih puak mi thu ah raldonak ih bomb a silo ruangah bomb tiah hmang nawn lo in ZIAN a puak tiah hman a si ding.

 

 

Comments

comments

Comments

%d bloggers like this: