Hakha Fang An Ngah Theinak Hrang Hakha – Falam – Kalay Ziin Rem A That Ka Zum

11836840_872299649503474_3879428792282222720_n

Falam Pacang No pawl Kalay lamah fang phur ih an feh lai.. Zuktu : Lalte

Van Bawi Lian

Kokek nikhua sia ruangih Chin ramkulh mipi vansang mangbang hi santhuanthu ah hngilh a si nawn lo ding. A um leh sal ding khal kan duh nawnlo. Chin mi pawl ih kan tuar mi harsatnak lakah kan thin tiphang biktu pakhat a si ding.

Hakha khua ih an hmaihngal pinak Rungtlang pi a cim, lei an kak, Biak inn an siat, tlawng an siat, tar kun upa le nauhak an vavai. Mipi pawl tuah ding theilo in an um. Ruah deuh deuh ah thin a pem ih ning a hang.

Hi tluk riahsia le mangbangnak kantuar mi hi Ramleng ih um Chin mi pawl le ramsung ih um Chin mi pawl in sihcihawk tertu tla a si thei. Chin ramkulh ihsin harsatnak nasa hleice ih tuartu Hakha mipi pawl zoh tikah thin a pem in riah sia za zet asi.

Kalay fehnak zinpiih an hman bik mi Gangaw lam fehtlang a theihlo Falam lam khal a pit. Van zam tumnak kan neilo. Asinan tu ahcun Falam lam ihsin Hakha lam ah Jeep pakhat a feh tlang thei tiah thu theih a si.

Laampi remnak dingah Gangaw lam ihsi cun a thla tel, a kum tiang lai khal a rei lai men ding ti ah theih a si fawn. Hi tiih lampi fehnak a tlang nawnlo tikah cun kum ziang maw tizat lampi hmangtlang aw ton tuk nawn lo mi Falam – Hakha in mawtaw ziinpi an tawm awk salnak ding lampi pakhat a ong ti a fiang a si.

Falam ihsin Kalay lam ziinpi cu Hakha ihsin Gangaw lam hnak cun tui dinhmun ahcun a tha tiah kan ti thei. Ziang ah tile Falam Pacang No Pawl in Jeep 14 thawn Kalay ah fang phur in an vung feh suak thei. Hiti a si tikah Hakha mipi pawl hrang ni eng mawi a suak ih, Fang le thil tul leinak ding hrang Fala – Kalay an hmang thei sal ding tinak a si.

Chin mi unau a simi Falam le Hakha thendarh ding hi Cung Pathian ih duh mi a silo tiih langter tu pakhat a si titla in tui kan tuar rero mi Kokek harsatnak hi ruah a thei men lo ding maw! Kan Chin mi pawl unau kan si timi a tak ih a rah suak tertu ah Cung Pathian in a lairelnak nikhua a tlangter a si ko lo maw!!

Curuangah Hakha mipi pawl ih Fang Cang an ngah lohli theinak ding hrang ih lampi naibik cu Hakha – Falam zinpi rem ih Falam – Kalay zinpi rem bet vivo hi tui harsa tuar pawl bawmnak hrang talsuahnak, unau lainatnak, duhdawtnak le theithiam tonawknak a suahnak khal a si men ding tiah ka zum a si.#

(Visited 583 times, 1 visits today)

Comments

comments

Comments

%d bloggers like this: