Hakha Ah Inn Kang; Pitar Kum 82 Kang That

10173534_810741068953817_8920305467750873628_n

Hakha Inn Kang 2013 Zuktu: The Hakha Post

The Hakha Post

Hakha; Hakha khua Sakta (Bualfiang) khua ih inn pakhat cu May 7, zaan sml 10:00 ah a kang ih pitar kum 82 tluk ih upa a hmun ah a kang that cih.

Mi piin inn kang an theih veten ruun dingin an pok suak. Asinan coka le innpi karlak tiang meisa hlio zet in a kang zo ruangah zianghman ruun suak man lo in an um. Hi a kangmi inn hi Pu Kio Hu ih inn a siih a kang laiah an tuu te pahnih, kum 5-7 karlak khal an um ve tiin The Hakha Post cun a tarlang. An tuu te pahnih, mipa le nunau cu khaw mi pawl in an ruun suak man nan, a nupi, Pi Sui Bor cu ruunsuak man loin a hmun ah a thi cih.

Hi inn kang ah an neih siah zaten a ciam thluh ih, fang taang 60 lenglo khal a kang ziam tluh tiin Pu Hram Cin cun the Hakha Post hnenah a sim.

An inn hi in dot hnih a siih a hnuailam tlakrawh ih dawl mi, a tlun lam thing ih sak mi a si. Palik pawl le meithahnak zung pawl in an theih veten an pan cihnan an run man lo. Asinan inn dang kaikang lo in a um tiin Hakha Palek Yehmu Pu Khen Hrang cun a sim ve.

Pi Sui Bor ih ruang hi May 8 ni ah Palik pawl in Hakha sizung ah zohfelnak an neiih cutin an kirpi sal zo. 2013 – 2014 sungah Hakha ah inn 5 lenglo a kang zo.

(Visited 930 times, 1 visits today)

Comments

comments

Comments

%d bloggers like this: