Haiti Ramah US in Ralkap Kuat Bet Ding

Haiti ram linghnin ruangih harsat nak tuartu mipi pawl bawm dingin leh tuamhlawm tu dingah US cun Haiti ah Ralkap 4,000 a kuatbet ding thu a puang. US hin Haiti ram linghnin bawmtu leh tuamhlawm tu dingah ralkap 12,000 a kuat zoih, tui 4,000 a kuabet dingmi thawn  Haiti ah US ralkap 16,000 an umding a si.

US in Haiti ih Ralkap a kuat dingmi pawlhi 24th Marine Expeditionary Unit leh USS Nassau Amphibious Ready Group pawl an si dingih, Ralkap menmen thawng 2 leh Lawng ralkap thawng 2 an si ding.

Himi laiah Haiti ram Linghnin tuartu mipi harsa rilrawng pawl bawmnak an pek laiah Dawr pakhat ih Buhfai ruktum minung pakhat Gentile Cherrie kum 20 micu tuisun ah Palik pawlin an kapthat ih, a rualpi pakhat cun hriamhma a tuar.

Hi an kahthat miih rualpa hriamhma tuartu pa in Palik hnenih a sim nakah, Eiding kan neilo ih kan rilrawng tuk tuarlo mangbang ruangah rukding hawlin kan pahnih in kanvak ih, Motor tumpi  Truck pakhat ihsin Buhfai fun 5 an runthla ih cumi cu  Driver hnenah Funkhat kandilih cumi kanlak lai fangah Palik pawlin inrun kap tiah a sim.

Himi thu ah  Palik bawi Marc Justin cun himi thucu  fiangten kan zingzoi dingih, Palik pawlhi tlunlam ihsin  Methal kahpuak theinak thu zo hmanin kanpe hrimhrimlo ih, Buhfai fumkhatte ruk men ruangih mi nunnak laksak cu khuitawk ram Palik khalin an tilo ding a ti cu ruangah,  Haiti ram mipi in tui dinhmunih kan tuarmi harsat nak cu ramtinkim ih theihpi kansiih,   Eiding neilo rilrawng mangbang pawl bawmtu leh kilhim tu dingah palik in retih  Rilrawng mangbang kapthat tu dingah Cozah in Palik in retlo tiah a sim.

Tikcu caan hi  Paisa tamzet man a si,

(Visited 41 times, 1 visits today)

Comments

comments

Comments

%d bloggers like this: