Haiti Ram Linghnin Ah Mithi Tam

Asile, nunnak humhim in khuitawk lam pan in kan tlan ding...Maw! kan khawmual a cim theh...In run hram uh...

Haiti Ram Linghnin Ah Mithi Tam
 
Haiti ram linghnin ruangih minung thi theih fiang zomi ah minung 50,000 ( Thawngsawn nga) an kimzo ih, minung tamzet cu Inn ciim mi sungah laksuah theilo in an tanglai. Hi linghnin ruangah minung Million 3 lenglo in harsat nak an tuar.
 
Haiti ramih linghnin ih harsat nak tuartu pawlhi ram dangdang khalin bawm dingin an pe aw zetnan, Haiti ramih Vanzam ttumnak hmun leh lawng colhnak hmun leh lamzinpi pawl a siat thluh ruangah bawmnak hna ttuandingih fehtum ram dang mi pawl Haiti ramah an lut theilo.
 
Inn cim in a nen tarmi minung damlai leh mithizo ruangpawl laksuah nakding thilri khal ramdang ihsin kuatlut theih a silo ih, an mai ramin an neih sunmi hanttuan nak thilri pawlkhal lamzin a siat thluh ruangah hman a ttulnak hmun ah lakluh thei a silo ih, bawmnak hna ttuantu pawlkhal in kutlawngih runhsuah nak hna ttuan an si ruangah an tuah theimi a malte ih minung damlai laksuah theilo mi tampi an hmuh tikah harsa an tithu khal an sim.
 
US ralkap Southern Command, hotu General, Douglas Fraser khalin  Haiti ram khawpi Port-au-Prince lawng colhnak hmun tuah that hmaisat lo ah cun  bawmnak hna ttuan dingin ramdang ihsin Haiti panmai a theihlo a ti.
 
Tuah hin leitlun ram dangdang leh Team dangdang pawlcun Haiti ram bawmnak ding sumpai khal an thawh khawm rero laiih, US President, Obama khalin duhvek in ramdangih sin Haiti ram luh theih hrihlo hman sehla  Haiti ram mipi harsat nak bawmdanding US cun theihtawp suah in lamzin a hawl rero lai a si a ti.
 
France President, Nicolas Sorkozy khalin  Canada, US, Brazil , France leh ram dangdang hruaitu pawlcu Haiti ram bawm danding ngiah tuah ih an tonkhawm awk cingding thu a sim.
 
 
China in Gulf of Aden Tipi Ah Lawng Ralkap A Ret Ding
 
Arab News in a sim nakah China in tipi thuanthum parih lawng rukhmang misual pawl kiltu ding lawng ralkap Gulf of Aden ih a ret dingthu a sim. Hi thu ah China Cozah thiltum mi fiangzetih theihnak cu a um hrihlo nan, Nithum sung caam dingih Saudi Arabia tlawng laitu China Foreign Minister, Yang Jiechi leh  Saudi Arabia ram hotu pawlin China ram lawng ralkap pawlih umnak ding hmun hi an reltlang dingah zum a um tiah a tarlang.
 
China hin Saudi Arabia ram hi Oil a lakluh tambik nak ram a siih, China in Saudi Arabia ramihsi Oil a laklut nak lamzin  Gulf of Aden tipi ih lawng rukhmang misual pawlin lawng an kaih theu ih harsat nak an tuah theu ruangah himi kiltu UN leh ram dangdang ralkap pawl bawm dingin  China khalin a lawng ralkap ret a tum nak asi tiah ruah a si.
 
 
US Vanzam Drone in Rocket in A Kap
 
Mizan sunah US Raldo nak Vanzam Pilot umlo Drone in Rocket voi 2 in Pakistan leh Afghanistan ramri Pakistan ram sung South Waziristan ih Taliban pawlih Camp a kapih Taliban minung 10 an thi. Kum 2008 August thla ihsin US raldo nak Vanzam Drone hin Taliban pawlih umnak hmun hi voi tampi a kap theu ih, Civil mi tampi thawn minung za tampi an thizo ih, Hi Vanzam Drone Pilot umlo hi ral umnak hmun a kah tikah ral leh Civil mi pawl a thleidang thiamlo ruangah Civil mi pawlkhal an thih phahttheu nak asi, Cu ruangah Pakistan leh mi tampi in US Ralkap thilti danhi an sawisel zet.
 
Pakistan Prime Minister, Yousuf Raza Gilani cun  tuisunih an ram National Assembly ih thu a sim nakah Afghanistan ramih Tapung pawlcu US leh ram dangdang ralkap in ziang titluk khalin do hai sehla Pakistan a tello ah cun an hlawhtlin a zumlo thu a sim.
 
PM Gilani cun an ram Nuclear ralthuam kilhim theilo ding vekih Opposition pawlin thuhla an thehdarh cu pawi a tithu a simih, an ram Nuclear ralthuam cu zo ih kutsung hmanih thleng dingih tuahmi a silo a ti. PM Gilani cun US in India thawi Nuclear thuhla ih remawk nak thutiam an tuah vekin US hin Pakistan khal tuahpi ve sehla a duhthu a sim.

(Visited 47 times, 1 visits today)

Comments

comments

Comments

%d bloggers like this: