Haiti Linghnin Hngilhlonak

Mass+Remembrance+Haiti+Earthquake+Victims+obJDU_oxGmIlPORT-AU-PRINCE : Hati mipi pawl in kan hmailam ah linghning rapthlak a rathleng ding ti an ruahlo lai ah le, nu le pa, unau, sungkhat, rualpi le mai rampi mi tamtak in thihnak an tuar ding ti an theihlo lai ah, 2010, January 10 ni ah an ram ih siatnak thlentu bik linghnin cu 7.0 mw ih cak in a ra thleng asi. Cui an ramsiatnak tuar can cu kumtin an January 12 ah an tuah ringring ih, tuikum khal ah cui an siat ton can cu theihhneilhlonak ah an tuah leh.

Mi tamtak an phumnak hmun ah cun feh in, thinglamtah tuahmi cu an va phun ih, cutawk ah Haiti President Michel Martelly cun thucah simnak a neihnak ah, “Kan ram ih siat kan tonnak hi ziangtik hman ah kan hngilh lo ding. Kut kai aw ih kan umtlanglai pawl cu thinlung mitthlam ah an cam ringring.  Kut kai aw in kan ram ih thilthleng kan thei ringring” ti in mitthli hal phah in asim.

Cutawk ah, Haiti ram thawn pehpar ih UN special envoy tuanvo an pek mi, US presedent hlun Bill Clinton khal in a telpi ve ih, thucah simnak a nei ve. “Haiti in siatnak a tuar hnu ih thupi bik cu, kan thinlung sungah kan sungkhat unau le rualpi cu an cam ko ding nan,  hi siat tonnak cu dunglam ah ret in Haiti ram ziangtin a thangso ding timi ruah a tul asi.

Tu ah zoh sehla hi ramsung ah thansohnak tampi kan hmu zo. Cuvek in hmailam khal ah, intha le lotha din vivo nak ah, thlaici cinnak lam ah le ziangtinkim ah theihtawp suah in tan kan lak a tul asi” ti in mi fawrfialnak a nei.  European Union cun, Haiti hranga ah pound 30.5 million a pek zo thu 12.1.2012 sun ah an sim.

Comments

comments

Comments

%d bloggers like this: