Guinness World Records 2012 Hminsin Tuahnak Ah Chin Mino Pawl Tel Ve

Australia ih mino 3000 lenglo ih Guinness World Records 2012, hminsin tuahnak ah Chin mino 16 lenglo Victoria, Melbourne ihsin an tel.
Kan dung zarh June 8-11, 2012 ah Australia ih Kawhhran 69 lenglo ih mino 3000 lenglo tawnawk khawmnak ah minit 2 sung  an ding ih Guinness World Records  2012 an tuah tiah thu kan dawng.

States Youth Games hi Church of Christ mino pawl in kumtin veikhat an tuah theu ih nikum ah khal Leitlun bik hminsin (Guinness World Records) tuah an rak tum nan minung an mal deuh ruangah an rak tuah suak theilo.

Tui kum ih an tuahnakah Church of Christ, Ringwood pawl ih bawmnak in Emmanuel Christian Church Melbourne ihsin Chin mino 16 pawl khal an tel tiin thu kan dawng.

Tuitum ah mino 3000 lenglo an suak khawm thei ruangah leitlun ih kekhat lawngih ding reibik an tuah tiiin Guiness World Record pawl cun an puang.

Ke khat ih minute hnih (2) sung ding reibik kan mino pawl ruangah kan tuahsuak thei Pathian sunlawinak ah sihramseh tiin a tawlreltu Youth Vision Victoria- An arm of the church of Christ pawl cun Chinmi a fehtu CT palai hnenah an sim.

State Youth Camp hi nithum sung mino tonawk khawmnak khawmpi a siih, sun ah lehnak phunphun le zanah thuthangtha simnak thawn caan hman a si. Lehnak hmuahhmuah ih nehnak ngah tambik le cangvaihnak thabik hi Syndal Baptist Church pawlin an ngah.

Hi, Sate Youth Games (SYG) hi 1990 ihsi rak tuah thok a si. Hna kum Friday 7th – Monday 10th June 2013 ih an tuah tum thu pawl khal SYG committee pawl cun puan cianak an nei cih.

(Visited 121 times, 1 visits today)

Comments

comments

6 Comments

  1. Japan Thaihliak says:

    mak rauh, sunglawi rauh ha…..

    jp

  2. Ke re heu,a va mak lawmam ve.
    An ding rei ngai si a…

    Ziangruangah Guinness World Record in 2minit sung kekhat ih din thei ruangah an peknak san?pitar le putar hman in an ding thei ko si lo sawm?Nan ngansual cu si lo ti aw.

    maw,ding rei thei lo bik World Record an pekmi sawn si?

  3. zei ngai zei ngai si loh hih

  4. Japan Thaihliak says:

    ke khat lawng in ding tlang, minung hiti zat an um nan thei dah rengreng maw….ka dua le rual……..am tuk hlah uh la….

    Jp Th

  5. hi mi tum ka feh man lo ih poi ka ti nasa

  6. Laimi cu hi tin kan si rero ruangah benteh zg ka cang thei lo cu,, hehehe
    lungawinak chimtu tla nan um lo.. nan mak tuk ka ti. minung thongthum lai khawh oah thei nak ding ah nang cu kum thong thum um na rei/ ttul ding…

Comments

%d bloggers like this: