GTC, Kalay ah biakinn an sak tum: 2008 Kum Bangin Khawsung Kawl Pawl Thawn Buainak Suak Lala Ding An Phang

TUC

zuktu: Salai Van Thawng Thang le Tv. David Zomuanpuia

Lal Nun Uk
GTC, Kalay ah July thla ihsin thok biakinn sak ding in Technological Christian Fellowship(TCF) in tumtah a neih thu theih a si.

“Kan u le pawl in 2008 lai ah GTC tlawnginn hmai Tarawady timi Kawl khua ah biakinn an rak sak dah nan foundation le ban an phun lai ah khawsung mi pawl in zaan ah an ra siatsuah thluh. Curuang tu ah inn nei lo thlam deute kan sak ih cumi ahcun kan khawm theu. Hivek thuanthu kan rak neih zo tikah tu tum khal ah hi tin kan buai lala pang kei ti ka phang ngaingai. A cang thei tawk cun khuami pawl ih duhdan kan thlun tum. Kanmah cun buai lo hram kan beisei. GTC tlawng uktu le khawsung khawbawi pa le pungki pawl khal tha te’n kan be rem tum” tiah TCF building committee hotu Salai Van Thawng Thang in a sim.

Biakinn saknak hrangah TCF in Tarawady khuasung ah inn hmun pi 100×60 kau an nei ih tui’ tum an sak tumdan cu tlakrawh inn dot hnih pi 29×36 ih kau a si ding. Himi hrangah sumpai ting 360 cem ding in an hisap thu, tufangah ting 15 kan nei ih tlawngta pawl le ramsung ramleng rinsanmi pawl hnen ah bomnak dil kan tum tiah a sim bet.
TCF

“Biakinn kan sak tum hi Kawl pawl missionary tuah kan tum tinak si lo. Biakinn lawng si loin tlawngta harsa mi umnak ding khal a si thotho. Cun tlawngta pawl zuva hlothlaunak ihsin kilveng awknak pawl hrang a si. Tui’ tum in buai ter cun hmaisa vek cun kan dai men zik lo, lamzawh tul len kan zawh ding, thahrum a tul le tha hrum kan suah mei ding” tiah Salai Van Thawng Thang in a sim.

Cozah in tlawngta pawl hrang border a saksak lo ruangah tlawngta pawl cu khawsung ih border sakmi dap inn le tlakrawh inn pawl ah a malbik thla khat thawng hra ihsin thawng hleiruk cem in tlawngta in an sang tiah theih a si.
“Zalen zet in kan sakhua ah biakkhawmnak tuah ve kan duh. Daanhrampi sung khalah mi pakhat a zumnak sakhua kha zalenzet in biak theinak a nei ti a um sisi. Thlam te sungih biakkhawmnak tuah rero tla thinnat za a si” tiah TCF building sungtuan Tv. David Zomuanpuia in a sim.

Zuk simfiangnak: Tarawady khua Technological Christian Fellwoship biakinn ah biakkhawmnak an tuah lai le GTU, Kalay ah Gospel team an feh lai.

(Visited 290 times, 1 visits today)

Comments

comments

Comments

%d bloggers like this: