GOOGLE SITE Pawl Kaih An Tuar Sal

2008 January thla ah Google hotu Peter Fleischer cu University of Milan ah conference ih  thusimtu ding ah sawm a si. Thusim ding ih a kaam zawng ah mi pakhat in a hmin sal ih a au tikah a hnu reilote ahcun a dung ah Italian ralkappawl in kai dingah an rak kulh theh cih.fd

Cutin, ruahlopin mipi tamzet thusimtu ding Peter Fleischer cu ralkapawl kut a thleng ta riai. Peter ih sim daan vek a sile “thusim ding in mipi hmai ih dinthawn cun a bangawk lo deuh ruangah malte cu ka ninzak deuh” tin a sim. Hivek ih an kaihnak san hi Google ah siannak fumfe neilo in tleirawl lawngfangkheh ih um pawl a rak tar ruangah a si.

Google hi leitlun mi tampi ih hnatuannak hmunpi le thilhawlnak thazet a si ko nan zoh mawilo tiang tar a si theu ruangah China le South Korea ahcun phih cang an nei theu. Kan dung zarh ah zohmawi lo in privacy thil an tuah ruangah Google thuneitu Fleischer le David Drumond, senior vice-president le chief legal officer, George Reyes, former chief financial officer pawl cu kum khat sung thawngthlak ding ah an thu relsak an si ih hlei ah an tuanpi Arvind Desikan pawl cu thla ruk sung thawngtlak ding ah an thu then sak bet an si.

(Visited 34 times, 1 visits today)

Comments

comments

Comments

%d bloggers like this: