Institute Of Chin Affairs Din Asi Zo

Global Chin Affairs Conference cu May 4- 6, 2012, ni 3 sung USA ih Chin khawpi Indianapolis ah hlunghlaizet in tuah asi. Cumi Conference ah Thailand, Europe, Australia leh US states tampi ihsin rinsanmi mino, upa tampi an ra suak khawm.

Conference ra kaitu mipi lungkimtlangnak in Institute of Chin Affairs cu May 05, 2012 ah dinsuak in a umdahlomi Chin thuanthu cahmai thar on asi zo. May 04, 2012 zaan 8pm ihsin 11pm tiang, Sat May 05, 9am – 11:30pm, tikcu pawlah Chin mipi lungrual ih hnatuan khawm theidan relkhawmnak kan nei.

Sunday zingah Falam Baptist Church of Indiana ah Pathian biakkhawmnak kan neih hnu ah Falam Christian Church of Indianapolis ah Pathian biakkhawmnak kan neisal. Kohhran pawl in hlunghlaizet in mikhual pawl an rak enkol in thusimnak caan thatha tla an rak pe. Lungawinak mithtli luang phah in pakhat le pakhat kan cibai aw. Chin thuanthu ih a umdahlomi cahmai kan ngan thokzo!

Conference hrangah tulsammi zainghman um lo ih ziangkim a tawlrel thluhtu Indiana Chin Community mino, upa pawl parah samcawklo lungawinak kan nei.

Chin mi kan lungruallo tiih thinlung nuamlo ih rak um pawl – Chin mi kan lungrualdan, Conference a ra kaitu mino le upa tampi in atak in an hmuhzo. Chin mi in hruaitu tha kan neizo. Chin mipi lungkhat in hnatuan tlang theinak dingah tawlrel thok rero asi zo.

Chin mi in Chinrampi hruaisal dingah a taphmun in a thok rerozo. Chin mipi pawl an tualrawn ah duhdawtnak khuang tum in kan lampi sal ding. Na hruai ding maw? Na thlun ding? Na hruai duhlo, na thlun duhlo hmanah, va tibuaitu ahcun rak tang hram hlah. Kan thuanthu timawi vivo dingih kekar thoknak ah ra tel ve dingin kan lo sawm duh fawn!

Institute of Chin Affairs (ICA tiin ko lo in Chin Affairs tiin rak ko dingah ka lo sawm) Board of Directors pawl cu:

Salai Nilian
Fung Dun
Hrang Vung
Tha Nei Luai
Van Tuah Piang
Thawm Hlei Mang
Hram Nei Luai
Mai Cheery Zahau
San Hlei Thang
Steven Rualthankhum Sunthang
Salai Tuan Ling Thang

Advisors
Rev. Hre Mang
Rev. David Laisum
Rev. Ngun Hlei Thang

Salai Nilian cu President ah le, Pu Fung Dun cu Vice President ih hril tlin an si.

Steven R Sunthang cu Board of Directors pawl in Chief Executive Officer tuanvo an pe.
Himi hnatuannak a theibet duh nan um asilen chinaffairs@yahoo.com ah zingzoi theih ringring asi.

(Visited 78 times, 1 visits today)

Comments

comments

5 Comments

  1. Kan hrang ni eng mawi a suak!
    Ka theitawk in lo cooperate ka tum ding.

    Kan lo rinsan asi.

  2. A va hnangam thlak em. A hmin Institute of Chin Affairs khal hi an phuah thiam nasa. Fimnak le zirawknak hi kan lam hruaitu si seh an ti duhnak a bang (ka ruahnak men) 🙂

    Mipi lam khalin thazang pek uh si. Kan Pathian in Fimnak le Caknak lo pek cio hai seh.

  3. A va lungawi um ve. Hruaitu tha nei lo hmang kan si ka ti rero lai ah kan Chinmi in kan rinsanmi pawl an cangvai ih kan ram le kan miphun hrangah niengmawi le par tha a suah a zumum nasa. Longlive INSTITUTE OF CHIN AFFAIRS!!!

  4. An thlalak ka hmuh hin mi an kam thepthep rori.
    Hruaitu upa ih kaihhruainak thlun thiamtu mipi kan si khal a mamawh e.

  5. Rinsan a um lawlaw.

Comments

%d bloggers like this: