Global Chin Affairs Conference Sawmnak & Theiternak

Duhdawtnakin unau zaten nan kut kan lo kai,Sersiamtu Cung Pathian zarah nan dam cio ding kan zum.

A tlunah thu tlangpi tarzo bangin, tuisan santiluang in a fen reromi kan san thuanthu kan zoh asile duhthu a sam lo zetmi siseh lungawiumza siseh cawhrawi celcel thil/thu tampi a feh rero kan hmuh cio vekin kan ram le miphun thuanthu cu kan ram le miphun, senpi vangtlang hrangah a thabikin fehpi thei dingin senpi vangtlang zapi huap pawlkom pakhat dinsuah a tul asi timi ruahsannak le duhnak thawn a hnuailam tumtahnak pawl tuansuak dingin pawlkom pakhat dindingin tonkhawm awknak a um ding.

Tonkhawm-awknak cu “Global Chin Affairs Conference” tiah kawh asi dingih May 4-6, Indianapolis, USA ah tuah asi ding. Tonkhawmnak hrangah tawlreltu pawl cu ram le miphun hrangah pumpe in hna a rak tuantu, “8888” generation, kawlram pumpi tlawngta buainak ah hruaitu Chin miphun phunsangtlawngta rak hruaitu pawl le tuihlan kum 20 sungih ramdang um rinsanmi upa le mino pawl tangtlang, thu ruat tlangin tawlrelmi asi.

Australia, Europe, Canada, Thailand lam khal in rinsan mi upa mino pawl fehding ansi. Pawlkom dinsuah a tulnak cu a tlunah sim zo bangin ram le miphun thuanthu a fehsualmi, “8888” ihsin buaipi reromi, peh sunzawmtu ding Chin mi zapihuap pawlkom hngetkhoh a um lo. Cu lawng si loin leitlun khawmual, milai thuanthu a thlengaw caktukmi lakah kan ram le miphun thawn a pehparmi thuanthunung pawl hi santhar mino le hruaitu upa, senpi, mipi pawlin zohmen theih nawn loin thleng awknak lakah kan ram le miphun thuanthu tuahthat, remthat le tunding a tultuk ruangah asi. Thuanthu in kan liangparah a thummi tuanvo tuansuak thei dingin bulpak in tuansuah a theih lo vekin a burin hma la tlang dingin lungrual ten kan ram le miphun thuanthunung liangparah suangin ke kar tlang ding tumtah asi. Hihi kan liangpar i mawhphurhnak kanneihmi asi tiah kan ruat ih ramsung ramleng zate kutkai aw in hnatuantlang ding ruahsannak kannei.

Kan tumtahnak pawl tla cu:
1) Chinram leh Chin mipi humhim ding. Cawisan ding.
2) Chin miphun lakah remnak leh daihnak leenter ding.
3) Chin mipi hrangah ramkhelhnak, nunkhawsaknak leh nunphung thansonak khaikhawmtu asi ding.
4) Chinram leh Chin mipi thansonak hrang tuan ding.
5) Kawl ram democratic society thatei a can theinak ding zuam ding.
6) Kan tumtahmi in tawmpitu pawlkom dangdang pawl thawn hnatuan tlang ding.

Cu asi ruangah Global Chin Affairs Conference ah a telduh, thu hla thei duh, thurawn pe duh, sumpai le bungrua bawmnak pe duh, thu theihter duhmi tvp pakhatkhat a um asile a

chinaffairs@yahoo.com leh chinaffairs001@gmail.com ah theihter lohli hram dingin kan lo ngen in kan lo theihter asi.

Zohman in kan hrial thei lomi, dungtunsan a theih lomi le zocio khalin kan duhdawt kan pehtlaihmi kan ram le miphun thuanthu tuahha, tung dingin khat le khat ke kar tlang in hma la tlang uhsi tiah Global Chin Affairs Conference tawlreltu zapi aiawh in kan lo ngen in thu kan lo than asi.

Rinsannak thawn,

Chin Affairs Steering Committee

Pu Salai Nilian, Pu Van Tuah Piang, Pu Hre Mang, Pu Hram Nei Luai, Mai Cherry Zahau, Pu Rualthankhum, Salai Bawi Aung Thang, Pu Thawm Hlei Mang

(Visited 46 times, 1 visits today)

Comments

comments

7 Comments

  1. Lungawium tuk. Nasa zetin mipi hrangah thansohnak thlentu si hram uh. Bawmnak pe theitu ding kan um ahcun pe cupco sehla a tha ding.

  2. Thacak takin aw, tuisun ih mibawm theilo tu kha thaisun ah mi ‘tangkai thei asi.

  3. johnnycungluaimang says:

    thil ttha, a caan te ih tuahmi a si ding ka zum.
    Hivek Global Chinmi tonawknak a um vivo ding khal ruahsannak a um. A voi hnih/thumnak tal cun ramsung um pawl khal tel theinak hmun ah si thei leh sehla……

  4. Van Nei Zing says:

    Thuruahrel nan thiam mi par ah lungawi um zet.Pathian in tuahsuak thei le khuakhan lairel thiamnak le dam cah nak khal thlawsuah lo pe hai hram sehla chin mipi ih rinsan mi siin kan ruahsan bik mi zalennak le thansonak; dangdang khal tuah suak thei tu si thei vivo ding in thlaza lo cam sak a si.
    No-nawn pawl ih zothim tlak si thei hram ding khal in ruahsannak tumpi thawn duhsaknak khal kan lo nei a si.

  5. tawnawknak ding hmun kha felfai ten tarlang a si lo ih tuanvo neitu pawl in a hmun le tik cu caan kha run tar lang hrih sela duh um z.

  6. a tha tuk ka ti, hnam tin in thuanthu kan nei, kan ngan theu nan mai duhdan in kan ngan ……………..a dikmi theih a har……………..thuanthu tha in hmai a hruai…………..cui thuanthu cu tlawngca hman ih zir ding a si ………….CHIN hi thuanthu nei tha kan si ……………..cucu phawrh in thangthar mino pawl hnenah theh darh si sehla……CHIN tiin zoin saw in nautat nawn ding ……………….

  7. Nan ruahnak a vatha ve! ka nunnak, sumpai le thalza cam thawng ka lo bawm ke. Cakin thang sinseh, mawi sinseh,cungsin deng tiang tleu sin law suahnak lairam.

Comments

%d bloggers like this: