Giri Phusing Ruangah Mi 71000 Harsa: Chin Mi 2000 Tel

Kawlram nitlaknak ih phusing a hran ruangah mi 71000 lenglo cun umnak nei lo in an um ih mi 177000 lenglo cu rawl le ti dai harsa in an um.

Giri phusing hin Kawlram nitlaknak Kyaukpya cu pah tlang in a caklam sml 1 ah peng 100-120 cak in a hrang tiin Red Cross pawl cun an sim ih, hi phusing ruangah Rakhine ah mi 27 an thih zo thu khal an sim bet. Kawlram ih UN cun khawte 71 a siatsuah tin an sim ve.

Cyclone Giri hi 22 October ih a hran ngahmi ninghang tuar pawl lakah Chin mi 2000 lenglo an rak um ve thu Chinland Guardian cun a sim ve.

Arakan State state le Kyaukphyu tel cih in, Myebon, Sittway, Pauktaw, Myanaung, Ann le Ponnagyunpawl ah nasa hleice in an tuar.

Comments

comments

One Comment

  1. Saithantluanga Tuallawt says:

    Ziang hmuah hmuh hin hmin a nei ih hmin nei lo um sun bik ih hmin khal ‘ um lo’ ti a si an ti.

    Ka thei sual lo a si ah cun hi vek thlipi (cyclone) hmin Giri, Nargis, Mina, Mahima etc.. pawl hi kan ngan tik ah Cyclone hmai ih ret ding a si. Culen, Typhoon hi cu a dung ih ngan theu a si sal ih Harricane hi cu hmin phun phun tampi theih cawk lo tak meuh a um ih a nih khal hi a hmai ah a Harricane hmin ngan ding a si. Cyclone Nargis, Cyclone Giri hi Nargis Cyclone, Giri Cyclone tin kan ngan cun Tuallawttluangathansai ti ih ngan vek thawn a bangaw ding a rak si hmang awm e…AN TI.

    Nargis, Giri, Mina or Mila etc tampi a um ih a sul lam na thei duh a si len dim ten in sut aw la midang a san thei tu ka rak sut ding ih a thup ten ka lo sim sal ding…

Comments

%d bloggers like this: