Germany Ramah Juda Pawl Lungawi Lo Nak Langter

Germany ram Court in sakhua biaknak ih serh leh sang pawimawhzet pakhat zangzimvun serh tan khamnak daan  a suah ruangah Germany ram sungih um  Juda pawl leh Muslim mipi pawlin himi daan khamnak duhlo  langter nakah lamzin an zawhih, Germany ram Cazah Court thusuak cu biaknak  lamih mi palbet leh  mipi zalen nak  siatsuah tu a si tiah an aupiih, zangzimvun tancu biaknak serh leh sang a si ruangah tuihlan vekih fehpi vivo dingih an duhthu an  aupi.

Tuikum June thla ah khan Germany ramih Cologne khua ih  Court cun himi serh tan khamnak thupek hi a suahih, hihi Cologne ramtthen sunglanwgih hmanding ti a sinan  hmun dangdang ih Doctor pawl khalin  thubuai neih an ttih ruangah serhten sak dingih an mah pantu pawlkhal an tansak ngamlo ih,  himi ruangah mi tampi in harsat nak an tong.Himi ruangih lamzin zawhtu Juda leh Muslim mipi pawlcun ca nganmi kengin an ca nganmi ah  Germany ram Cozah cun tuihlan ihsi an rakti theu vekin an mizia kel an suahsalih sakhua biaknak thleidan leh  dodal  mibul a neisal tiah an ngan.

Juda miphun daan ah mipa hrimhrim cu an suah ihsin ni 8 ah an zangzinvun tansak  ding ti a siih, Muslim pawl thung hicu serhzim tan tikcu bikhiah  a um tuklo ih sungkua dinhmun ih hmandan leh ram leh Muslim peeng dang tete ih tidan vekin an tan. Tu ah hin Germany ramah Juda mi minung 1,20,000 hrawng an umih Muslim pawlhi minung Million 4 hrawng an um.

(Visited 53 times, 1 visits today)

Comments

comments

Comments

%d bloggers like this: