Georgia Ralkap Pawl Hel

Mizan ihsin Georgia ram khawpi Tbilisi kiang Mukhrovani Base ih  ralkap Batallion khat Tank kilkhawi tu pawlcu Cozah thupek thlun duhlo in an hel tiah  Georgia Cozah thupuangtu cun a sim. Hi ralkap Hel pawl dodai dingin Georgia Cozah cun  Ralkap tampi leh Tank Motor leh Ralthuam tampi thawn a thlah ciih. Georgia Cozah cun hi ralkap hel pawlcu Russia cozah thawn biak ruk awknak leh peh tlaih awknak thup an neiih President Mikhail Saakashvili  thah tum in timtuah aw mipawl an si tiah an sim.

Russia Cozah cun hithu cu a pha nasa ih Georgia ih puhnak cu thuphan thu puh awknak leh zuar thlai awknak ngai thlak tlaklo thu a si ati. Georgia ram ah hin NATO ralkap pawlin Raldo Training an tuah lai rero ih Russia President Dmitry Medvedev cun  ram buai Georgia ih NATO ralkap pawlin raldo an zir rero cu a sawisel zetih. Russia ram leh Georgia karlak politics cawkbuai tu an si a ti. Georgia leh Russia ram karlak boruak hi a se zet ringring ih nikum August thla ih Georgia ih si ram hrantei la pengaw South Assetia thuhla ah Russia ralkap pawlin Georgia ram cu ralkap tamzet leh raldo nak Tank leh Vanzam thawn a sim ciamco zo ih an buainak hi a reh thei ngaingai hrihlo asi.

 

Hi Georgia ralkap batallion khat hel pawlhi mizan ihsin Cozah thupek an awi duh nawnlo ih an ralthuam thawn Cozah hruaitu Upa pawl do an tum asi tiah Georgia Defence Minister, David Sikharulidze cun a sim.

Surbung Tlang Thuthang siarbet 

Surbung Tlang Thuthang siarbet 

(Visited 40 times, 1 visits today)

Comments

comments

Comments

%d bloggers like this: