General Than Shwe China A Tlawng

General Than Shwe China A Tlawng

Burma ram ralkap Cozah hotu General Than Shwe cu ni 5 sung caam dingin mizansunah China ram a tlawngih a caam sungah China President Hu Jin Tao leh hotu pawimawh dangpawl a tongding.

General Than Shwe hin China ram hotu pawlih hnenah Burma rampi hrilawk nakih thilttul pawlleh hrilawk ding ruangih ralkap hotu lu tampi an colh hnuih  Burma ram rorel nak leh thu neihnak semawk danding pawl a relpi dingah zum a si.

Burma ramhi leitlun ram dangdang pawlin a mai ramsung mipi pawlih diknak covo palbet leh ti rethei bikih an ruahih an mawhthluk rero mi a sinan China thawcun an pehtlaih awknak leh an rualpi tthat awknak hi a tthazetih, sumdawn tonawk nak lam khlah ram dangdang pawlin Burma thawi pehtlaih awknak neih an duhlo laiah China cun paisa tampi ceemin Burma thawi sundawm tonawk nak tuahdingin lamzin phunphun a hawl rero ve thung.

Tu ah hin China cun Burma ram sungihsi Gas leh Oil laklut nakding Pipe tumpi a phum rero lai ih,  hihi China hrangah thil tthazet leh a hlawk zet nakding a si ruangah China hin Burma hi a ngaihven zetih ruah a si.

Julia Gillard in Australia PM, A Ttuan Sal Ding

Australia ram Prime Minister, tuansal dingin Julia Gillard cu puan a si. theihcia zo vekin kan dungthla ni 21 ah khan Australia cun an ram PM hrilnak an nei ih, Parliament ah Cozah din theiding khawpih cak Party zohman an umlo ruangah Independent pawlih thlawp mi hngakin tikcu caan ziangmaw zatsung an umih,  Independent Member, Tony Windsor leh Rob Oakeshott in Julia Gillard an thlawpthu an puan ruangah Julia Gillard hin PM, hna hi a ttuan sunzawm thei dingah puan a si.

An Party in Cozah nak an tuah theiding ti thufiang an theih hnuah Julia Galliard cun  Canberra thutangca latu pawlih hnenah Australia ramcu mipi rorel nak dikzet ram a siih, a kaihhruai Labor Party cun  Australia ram cu Cozah hngetkhoh zetih din vivo a tumthu leh a ralai dingmi kum 3 sungih Australia ram mipi ih rinsan leh zumtlak  Cozah sinak langter a tumthu a sim.

Comments

comments

Comments

%d bloggers like this: