General Motors Company A Tla Sia

Leitlun ih Motor tuahtam hminthang zet pakhat General Motors Company cu America ram thuanthu ih Company tlasia bik si thei dinhmun ah a ding rerolai. Hi Company hi a tlaksiat tuklo nak dingah President Obama cun dollar Billion 30 a pek ding thu a simih. General Motors Company hi bawmnak Dollar Billion 20 a rak dawngzo nan himi cing khal an a tungding aw thei cuang hrihlo a si.

Tu ahn hin  Company ih Shareholder pawlin 10% hrawnglawng an co banih, Company fate ih Shareholder pawlih comi hnakin an comi hi a mal sawn thlang a si. General Motors Company hin a tlaksiat tukding humhim nak dingah a thil pawimawh Chapter Eleven an timi cu Court ah a thlen zamrang zum a siih.Hi Chapter Eleven hi Court ih a thlen a si ah cun a sumdawn nakziangmaw zatcu Court thuhnuai ah aum thlang ding ti nak a si.

Surbung Tlang Thuthang Siarbet

US ih Company pahnih Lehman Brothers leh Worldcom pawlkhal sumpai lamih an tlaksiat ruangah hiti vekin Court ah an rak pe aw zo ih, Company ih miatmi 60% cu Cozah ah a lut tlangding atinak a si. General Motors Companyn hin leitlun ram dangdang ah hnatuan pi an neitam zetih hi pawl lakah  Pontiac Saturn Hummer leh Saab pawl tlacu tui harsat nak antawn ruangah kharsak tul ding dinhmun ah an ding zik rero a si.

Himi laiah Canada ih Motor thilri tuahtu Magna International cun Europe ih General Motors hnuaiih  Company pahnih Vouxhall leh Opel pawlcu leisin dingin  a dil rero laiih  himi a leisak ngaingai a si ah cun  tui hnatuan rero lai pawlcu hnatuan ding nei nawnlo ah an cang thluh thlang ding.

(Visited 32 times, 1 visits today)

Comments

comments

Comments

%d bloggers like this: