GCO Hotu Le Australia Ih Falam Hruaitu Tonawknak Nei

Chin Community Victoria hruaitu upa pawl le Global Chin (Falam) Organisation hruaitu pawl tonawk cu May 14, 2017 zing ah nazi 2 sung lenglo thurel khawmnak thawn caan an hmang.

GCO a dinsuah dan thuhla, hmailam ih ṭuankhawm thei danding, thuhla seherh mi tete pawl le saduhthah pawl rel tlangnak in caan an hmang. GCO lam ihsin Vice President 2, Van Thawng Lian le Secretary 3, Salai Van Bawi Lian in an tel piih Van Thawng Lian ih innsang nu Nu Jamie Eng Sin Mawi khalin a tel pi.

Hi tonkhawmnak ih seherh zet mi lakah Lairawn um Falam mi pawl le Laihlum, Laitlang um Falam pawl tuhnakih thuuksin ṭuan khawm tlangthei dingih hmalak dan neih ding thu ah nasa ngaiten ruahnak burkhawmnak annei.

GCO Vice President Van Thawng Lian @Aalian in himi thu ah “GCO hruaitu pawl in leitlun pumhuap Falam mi pawl funkhawm theinak ding hrang hmalaknak pawl hi thupi zet ah kan ruah mi a si.” tiin a rel. Thusuhnak pawl simfiangnak le titi khawmnak in caan an cemter.

GCO hi February 21, 2017 ah Leitlun hmun zakip um Falam hrinthlak unau za, Falam Ruun Inn Tlun kum ih tonkhawmnak ihsin dinsuah mi asi. Leitlun ramtinkim ih um Falam mi le sa pawl hmunkhat te ih funkhawmtu si dingin hmalaknak nasangaiten an nei thok rero zo.#

Comments

comments

Comments

%d bloggers like this: