Gaza Ah Israel Ralkap Lut

: January 5th, 2008

: By Pu Sum

: SBT

 Gaza Ah Israel Ralkap Lut 

Israel ralkap pawlcun an simcia vekin Gaza khawpi cu an va luhcilh zo ih.  Gaza city cu a laifang ihsi lut tlangin.  Karni Crossing ihsin Merditerranian Sea, thleng an khamcat.

Himi ruangah khawpi sung palkai awk theihlo’n a pit.  Vanzam ih bomb thlak lawng duhtawk loin Israel ralkap pawlcun Tank 40 rual thawn lutin  Gaza thlanglamih, Khan Younis an kapih  cui hlei ah mizan sunah  Gaza hi vanzam in Bomb vawi 30 an thlakbet.

 Tu lai fangah Gaza cu meisa eng neilo in a thim thluh ih ei leh in tirawl neilo in khawsik zet lakah an umbet. 

Himi laiah Israel thilti dan duhlo ruangah,  Istanbul, Rabat, leh Beirut ah mipi tamzetin lamzin an zawh. US cun tuihlan vek thotho in himi buainak suaktertu cu Hamas pawl ansi tiah a simbet. 

Tu ah hin  leitlun ram dangdang hruaitu pawlcun Israel leh Hamas pawlcu Ceasefire tuahdingin an nawr rero laiih. French President Nikolas Sarkozy cun Gaza ih nitin ttulmi lakluh nakdingah nazi 48 sungtal Ceasefire tuah remti dingin  Israel leh Arab hruaitu pawl a dawr rero lai. 

Franch President Nikolas Sarkozy cun  Egypt khawpi Cairo, Israel khawpi Jerusalem, West Bank ih Ramallah leh Syria khawpi Damascus pawl pal vivo in an hruaitu pawl a kawm vivo ding. 

European Union hruaitu leh Russia hruaitu pawlkhal’n rualrem nak tuahtum in Middle East ah an um lai rero. Palistinian hruaitu pawlcun zarh khat sung Israel in Gaza a kah nakah minung 509  an thi ih  midang 2,500 lenglo in hriamhma an pu ih mithi pawl sungah minung 70 cu tui zarhte ni ihsi Israel in Gaza a siim hnuih thi an si tiah an sim.

Mithi leh hriamhma tuar pawl lakah a tamsawncu civil mi an si tiah an sim.  Asinan Israel ralkap pawlin Journalist pawl Gaza ih luh an kham ruangah hithu hi a dik taktak maw tihi fiangtei theih asilo.

Hamas pawlcun mithi 509 sungah an ralkap pawlcu 10 lawng an si tiah an sim. Israel cun an ralkap 1 telin mi 4 an thiih  midang 34 in hriamhma an tuar tiah an sim. 

Sri Lanka Ralkap leh LTTE 

 Sri Lanka cozah ralkap pawlcun kandung zarhte sunih LTTE khawpi Kilinochchi an laksak zo ih. Himi hnuah ralkap dang kuatbetin LTTE pawlcu nawr vivo an tumih an do awk rero laithu hi- Himi ca ngan lai tiangah cun  ziangvek dinhmun ciah an thleng ti theih fiang asi hrihlo ih theih man cinmi ah  Sri Lanka cozah ralkap pawlin LTTE Tapung pawl kutsung ihsin Elephant Pass cu anla ngahzo ticu theih fiangman asi. 

LTTE pawlcun Cozah ralkap 53 an kahthat ih midang 80 lenglo hriamhma an pu tithu an puang. Asinan LTTE khawpi pakhat Mulaitiva, laktum ih hmainawr rero laitu Sri Lanka ralkap pawlih thupuangtu Mai General Jagath Dias cun  LTTE pawlih thu simmi cu thudik lo asi ati. Sri Lanka ralkap pawlcun cakzet’n hmai an nawr vivo laih LTTE pawlcu an tlase vivo lai tiah asimbet. Asinan LTTE pawlcun Mulaitiva, hmunpi cu LTTE kutsungah a umlai tiah an simve. 

US Vice President Pakistan Tlawng Ding 

US Vice President thar Joseph Biden cun tuikar sungah Pakistan fehih India thawi an dodar awknak ti daih a tum.  Nikum November thlaih misual pawlin Mumbai an sim ruangih thubuai nei hngir hngo aw ringring India leh Pakistan ram pahnih karlakih ban phartum ramdangdang hruaitu pawl lakah Biden hi dinhmun pawimawh zet asi tiah Media pawlcun an sim. Pakistan ih ni hnih a cam sungah Biden, hin President Asif Ali Zardari leh Prime Minister Yousuf Raza Gilani a kawm dingih Pakistan in misual a do nakding hrangih US in Dollar 115 Million a bawm dingthu khal a relpi cih ding.

(Visited 40 times, 1 visits today)

Comments

comments

Comments

%d bloggers like this: