Gate Kiltu

April 16

Tlawngkai Nili

 Gate Kiltu

Siar: 1 Korin 3:1-17

Curuangah zokhal hih Pathian Biakinn a siatsuahtu cu Pathian in a siatsuah ve ding. Ziangahtile Pathian Biakinn cu a thianghlim ih a Biakinn cu nanmah hi nan si.      -1 Korin. 3:17

Kumkhat Sung Baibal:          Seemtirnak 39-40   Matthai 11

Thuthangca (News) lam hnattuannak ah kotka kiltu pawl (gate keepers) timi cu thuhla zingzoitu, ca remtu le ca suahtu pawl an si. Thuthangca lam thiamtu pawl in Internet sungih thuthang pawl cu kotka ah zohhliahnak um loin a ra lut hluahhlomi an si tiah raalrinnak an pek.

 Thukam Hlun sanlai ah Biakinn kiltu pawl in a thiang lomi lut lo dingin an kil. (2San.23:19) . AD 70 ah Roman siangpahrang Titus ih ralkap pawl in Jerusalem Biakinn cu an siatsuah. A taktak cu Levi pawl in an kil tthat lo ruangah Siria siangpahrang Antiochus IV a luh ihsin a siat zo. 

Paul in kan taksa hi Pathian Biakinn a si, a ti (1Kor. 3:16-17), ih cuih Biakinn cu siatsuah tumtu a nei. Sualnak in kan thlarau nun ttonttaihnak zawn ah iksiknak, tawh awknak le tthen awknak a suahter (v.3). Kan thlarau raal kil ttha ding kan si. Satan kha tikcu caan pe hlah aw (Efesa 2:17).

 Thinlung sungih khahter dingmi cu a dikmi, upat tlak a simi, a hmaanmi, a thianghlimmi, duhnungza a simi le hmin tthatnak a petu thil pawl lawng an si (Filipi 4:8). Cutin hnangam daihnak in kan thinlung le ruahnak kotka a kil ding.

Harsatnak tuarmi ka nunnak kil dingah i bawm aw,

Mah le mah tthazet in kilkhawi aw ringring dingin;

Ka ruahnak, ka ttongkam, ka cangvainak in thianghlimter aw,

Nitin ka nunnak in thianghlimter aw.

 

Tthat lonak ihsin na kilhim awk lo asile a lo ciahneh ding.

Comments

comments

Comments

%d bloggers like this: