Gangman Style In US$ 8 Million Ngah

number-ones-psy-gangnam-style_hSAN FRANCISCO : Leitlun hlasaknak le lamnak lam ah mi tamtak in sumpai tampi an lalut ih, cumi lak ah, tu naite ih larthar le can reilote sung ih Youtube ih video zohtu tambik sinak cotu, South Korea rapper Psy ih “Gangnam Style” ruang ih sumpai lutmi cu US $ 8 million a lan rero thlang thu Google chief officer Nikesh Arora cun a sim.

Yutube trends manager Kevin Allocca khal in, “hi Gangnam Style hi danglam zet ih hlasak mi le lammi asinak ah leitlun mipi in an zoh in an uar zet. Youtube ah 2012 July thla ah khan ret asi ih, can reilote sung ah mi tamtak ih zohmi lawnghman silo in, youtube hla hmuahhmuah lak zoh tambik sinak tiang a coban asi” ti in asim.

Hlasakthim dang pawl ih an sak mi, youtube ih an retmi tamsawn cu, kum tamtak hnu lawngah mi tampi ih zohmi asi nan, hi Gangnam Style lawngte cu thla malte sung ah mi tampi ih zohmi le youtube ih zohtambik hla sinak khal a nei hngal asi. 2012 July thla ih youtube ih retmi cun, December thla ah zohtu 1.23 bill nei in zohtu tambik sinak neitu Justin ih Baby cu a rak lan dah zo.

Comments

comments

Comments

%d bloggers like this: