Gaga cun Relhnak Pakhat ti’n Mak Tuk in A Cei Aw Ih, Ti Ding Theih Lo Tuk Ah Miley Cun Lei Khak

Lady g
FîBï Mãté
Thuamhnaw mak tuktuk tivek a hruh ruangah a mah uar lo tu pawl khal in Lady Gaga ti’n an theih thluh thotho. Leitlun mipi theih a sinak bik cu a hlasak thiam lawng si lo’n a cei awk dan pakhat hi a si ve.

A cang cun thuamhnaw mak tuktuk mipi hmai hruh ngam lo ding khawp ih paa tivek, lo le kedam ( Buut) mak tuktuk pawl a bun hi mi tampi cun uar duh le ti mak awk tum tuk ruang an ti t’heu. Hmanseh a si thluh lo, a relhnak pakhat sawn arak si.

Mi tampi cun mak taktak hi a hmaiton ngam lo ih, an ningzak in an zam t’heu. Relhnak ding an hawl ih, mai sinak vek cekci lang ngam lo’n mi thinlung hruai kawinak ding mak tuktuk in an um t’heu. Cu vek in Lady Gaga nun dan a si ve. Lady Gaga hi nunau pop star a si vek in mipi hmaiton ih din hi a ngam lo zia a rel t’heu.

Cu ruangah mak tuktuk in a cei awknak san a si. “Mi in nunau pop star ihsin an beisei vek cekci ih nun ka ngam lo ih, a diktak cun ka hmaiton ngam lo, cu ruangah hiang pawl thuamhnaw pawl ka hruhnak san a si,” a ti.
Gaga cun, ” Him lo tukih ka theih awk cang ka nei t’heu ih, hiang pawl hi, a hlan ih ka thil ton ruangah a si,” a ti. Himnak ( beunak) a mamawh ih, mi ziang maw ti zat in hmuh an duh ih, cu lak ih a himnak bik cu cei awk hi a si, a ti. Thuamhnaw dangdai tuk a hruh ruangah mi in an thei ih, a sinak le a t’ihnak pawl ret hlo thluh vek in a thei aw, a ti.

Hivek thotho in Miley Cyrus in a lei khek ringring t’heunak san khal a si ve. Lei sau taktak in a suah hi, um dan a thiam lo ruang le, mipi a hmai tlan len a thiam lo ruangah a si, a ti. “Miin in zuk ciamco caan ah um dan ka thiam lo t’heu ih, ziangtin ka lang ti ah ka buai ih, ka lei ka khak tawp t’heu,” a ti. A ning zah phen phuah hlam pakhat ah a hmang a si bik.

Source; VLN

(Visited 630 times, 1 visits today)

Comments

comments

Comments

%d bloggers like this: