Fung Thanthling ih Thuanthu Roling

[Thuanthu roling timi cu a dik mi an si hran lo khal ah, minung tampi hliahkhuhtu an si ruangah kan theih ve a ttha timi thawn ngan mi a si]

J-pianhmang nei, rong sen le var ih ttial mi fung thanthling khal hi Christmas can ih thil ceimawinak ah hmuh ringring mi pakhat a si. A mawi lawng si lo in a thawt fawn ruangah duh a hlawh cuang. Himi khal in thuanthu bulhram a nei ve.

A thuanthu cu hitin a si.

A tir ah a dingh mi fung thanthling hi J-pianhmang ih run cangtertu cu German miphun choir hruaitu pakhat a si tiah mi tampi in an zum. Zan khat cu an khawmawk lai ah nauhak pawl an thawmvang ring tuk ih, choir hruaitu khal ngaihsak lo in an um hai. Khrih suahcam hngilhlonak ih an khawmawknak ah awn-ai lo le cangvai lo tei’ um hai ding in, nauhak pawl cu fung thanthling sau le var a pe hai.

Khawmawk lai ih nauhak pawl chocolate le thanthling tivek pek cu thil mawihmang lo a si ruangah, tuukhaltu ih kianghrol thawn bangrep ding in fung thanthling ih khatlam zim cu a herh ngawi. Cuti’n biaknaklam thawn pehparawknak nei ah a cang. Khrihfa biaknak ah Jesuh cu Tuukhal Ttha ah pom a si ruangah, kianghrol timi cu thil thianghlim ah ruat a si. Cumikianghrol cun naute Jesuh a va vehtu tuukhal pawl khal a kawhhmuh fawn.

1847 ah Amerika Dingkhawm Ram, Ohio ramkulh, Wooster khua ih a ra vai luttu, thanthling ngaina zet German-Swedish miphun pakhat in Christmas thingkung a ceimawinak ah fung thanthling pawl a tar. Cumi cu rei lo te ah a rung lar cih.

Hlan cindan ahcun tuukhaltu ih kianghrol lawng hi fung thanthling ih kawhhmuh mi ah an rak ret. Asinan san thar ahcun pehpar mi tampi nei ah an run ruat vivo. J-pianhmang nei ih tuah mi fung thanthling hi Jesuh Khrih tarlangnak ti khal in ruat a si.

Fung thanthling ih rong var khi Khrih ih thianhlimnak tarlangtu a si ih, a ttial khin nun hlan pumpekawknak a tuah mi le Roman pawl ih Khrih an thawinak hriamhma ttial a kawhhmuh bang in, rong sen khin a thisen a tarlang ti khal in an ruat. A thak a tel mi fung thanthling ih rim khal khi hyssop kung ih rim thawn a bang aw titu khal an um. Hyssop cu Thukam Thlun san ah sual tlengfainak le nun hlan pumpekawknak kawhhmuhtu a rak si.

Sirhsan: http://www.worldofchristmas.net/

(Visited 31 times, 1 visits today)

Comments

comments

Comments

%d bloggers like this: