FRO Zung Assistant Coordinator Hril

Falam  Pawlpi Malaysia ( FPM ) in Falam Refugee Organization ( FRO ) zung hnatuantu ding Assistant Coordinator hrangah 03.06.2012 ni ah interview tuahnak anei ih Salai Piang Lian Sum cu Assistant  Coordinator si dingah hrilsuak asi.

FRO Coordinator Reuben Van Lian tei’ innsungsang cu Australia ram feh ding in thisitnak an neih zo ruangah a aiawhtu ding tarlangnak ca cu Falam Times ah April 29, 2012 ni ihsin May 27, 2012 tiang tarlang asi.

Assistant Coordinator tuantu ding hrang interview cu 03.06.2012 ni FRO zungah neih asi. Hnatuan diltu mi pa  5  an um ih cumi lak ihsin Salai Piang Lian Sum cu mark tambik a hmuh ruangah FRO Assistant Coordinator tuan dingin avei (7) nak FPM, EC meeting ah nemhngetnak a nei. Salai Piang Lian Sum cu 11.06.2012 ni ihsin FRO zungah zungkai in hnatuan zir thoknak anei rero zo.

Salai Piang Lian Sum cu Pa Kap Sawn le Nu Ngaih Za Niang tei’ fapa pathumnak asi ih 14.05.1973 ni Kalaymyo, Hmunlai khua ah suak in Hmunlai ih thanglianmi asi. 2001-2002 kum Kalay College ah BA (History) in tlawng a theh. 2006 kum ah  Tahan Theology College (TTC) Bible tlawng in B.R.E a theh bet mi asi. 2000 kum Mizoram Green Hill School ah kumkhat sung tlawngca zirhtu asi ih Population Services International (PSI, Kalay branch ) ah 2007-2008 tiang hnatuan dahtu asi. 2004 kum ah Malaysia ra in hnatuan dahtu asi ih 2005 kum ah Kawlram a tlunsal hnu 2009 kum ah Malaysia a ra thleng sal.

(Visited 79 times, 1 visits today)

Comments

comments

3 Comments

  1. Mai Sokhlei Par says:

    A Tum,

    Ka lungawi tuk..!
    Malaysia ih kan mipipawl hrangah rinsan mi lungpi si hram aw.
    Pathianin kan miphun vakvai pawl bawmtu ah lo hmang hram seh!

  2. lungawi sopar ten lo hmuak ve a si … hi ca sung in. lai mi pi hrang
    rin um le pum pek thei tu si in le; dodal nak le har nak phun kip pah tlang thei tu hruai tu tha si thei ding in ruahsan nak tum pi thawn thlaza lo cam sak a si.
    na hruai ding mi mi pi lak ih tel ve tu klang ih um ka si. lungawi.
    U Van Pi kan lo pamhmai zet a si. nan lam tluang hram seh.
    na tuah tuan suah mi par ah lungawi nak tam pi kan nei a si.lungawi.

  3. A Tum
    Ka lo lungawl pi tuk. Kan Laimi hrang na tuannak ah Pathian in lam lo hruai vivo hram seh.
    Mg

Comments

%d bloggers like this: