FRO in bio-data hrang hna a tuan rero

FRO office

Falam Times, Malaysia |April 15, 2012

FRO coordinator Reuben Van Lian cu Alor Star State le Penang ih um Chin-Falam mi pawl UN in bio-data hmin cazin lakkhum thluh an si theinak dingah refugee community dangdang ih hruaitu pawl thawn April 8 ni ihsin 12 ni tiang khualtlawn nak a nei rero zo asi. FRO ih hnatuan a cah sinsinnak dingah tiin FPM-FRO assistant secretary Mang Oo Lian (012 340 7385) khal coordinator hnatuan bawm dingin April 11 ni ah Penang lam pan in khual a tlawng thok zo. Penang State sung um Chinmi pawl hrang bio-data lak ding cu April 16 ni ti asinan UN lam le community lam ih an hnatuan a cah le a tluan vivo ruangah Penang State ih Chinmi pawl hrang bio-data cu April 14 ni ihsin lak thok a si zo. FRO cun Saya James Pek Muan (016 958 1086) cu April 13 ni ah Penang bio-data thuhla hrangah a thlah bet zo.

Bio-data form par ih ngan tulmi thil thupi pawl cu hmin, suahni, Malaysia thlen ni, nupi fate hmin le contact phone number pawl an si. FRO zungih bio-data form a phih zotu zozo khal a tul daan ih zir in UN ih bio-data lak ding ni le a tikcu caan pawl cu FRO in thuthannak a nei vivo ding. UNHCR cun bio-data a lak ding ni pawl kha tuan deuh ih a thawn sal ruangah ziangtik ni ah khui hmun ah bio-data lak a si ding ti hi mipi lam khal in ngahven a tul ve. Curuangah FRO zungih pekmi slip parih receipt number theih hngilh lo dingah zozo khal sawm a si. Bio-data thu thawn pehpar in thu theih fianglomi a um asile FRO zung phone 03 9222 0059 ah suthlam theih ringring asi.

(Visited 37 times, 1 visits today)

Comments

comments

Comments

%d bloggers like this: