France Ram Ih Nu-Nu, Pa-Pa Neihawk Duhlotu Pawlin Lamzawhnak Nei

Gay marriage protest

PARIS : France ram cozah cun, an ramsung ah Nu-nu, pa-pa neihawknak cu zalen zetin, parliament ih mi tamsawn duhnak thawn a ramsung ah hman asi. Khatlam ah, duhlotu tamzet an unman, vote in an nehlo ruangah France ramsung ah hi neihawknak hi sian asi. A duhlotu pawl cun, nunau le mipa umtlang lawngah innsungsang timi a famkim tiin lamzawhnak France ram ah an nei nan, Parliament ih a rak relcat mi cu an el theilo.

Asinan, tu khal ah hi neihawknak duhlo tu pawl cun lamzawhnak an nei rero thotho thu BBC thuthang cun a tarlang. May 25, 2013, Zarhte sun ah, Paris khawpi sungah mi 150,000 tluk suakkhawm in lamzawhnak an nei. An lamzawhnak a cemzawng ah, palik pawl le lamzawhtu pawl an tithiam aw lo ih, buainak mallai a suak.

Palik pawl cun, lamzawhtu pawl lak ihsin mi 100 tluk an kaih tiin an sim. Mit ih hmutu pakhat in BBC hnen ih a simnak ah cun, “Nu-nu, Pa-pa neihawknak duhlo lamzawhtu hi mi 150,000 tluk an si ding. Buainak dang a suak pangah tiin palik mi 4,500 tluk cu khawsung ah an duty ter. Champs-Elysees ih buainak suahnak ah, palik pawl in mi 50 tluk an kai” tiin asim.

(Visited 85 times, 1 visits today)

Comments

comments

Comments

%d bloggers like this: