France Ram Ah Petrol Le Diesel Mawṭaw Hmang Tum Nawn Lo

France rampi cun an rampi ah petrol le Diesel hmang mawṭaw pawl 2040 hnu lam ihsi cu hmang nawnlo dingin khamnak tuah an tum ve thlang.

Tui dinhmun ahcun France ram ah meisa thacaknak hmang mawtaw leitu hi zatek 3.5% lawng an si hrih lai. An tumtah mi cangsuak thei dingin, mi harsa deuh pawl hnenah sumpai bawmnak pek a si dingih a hlan ih an mawṭaw hlun pawl zaten thleng thluh ding hi an tumtah mi cu a si.

A cangsuak ngai pei maw ticu theih a si hrihlo nan cangsuak thei dingin nasa ngaite ih zuam an tum. Norway hi Europe ram ahcun Electric thacaknak hmangih mawṭaw hmang tambik an siih, Netherland ram thawn 2025 ah an ram pumhuap ih hmang thei dingin tumtahnak an nei veve. Germany le India khalin 2030 ih cangsuak dingin ruahmannak annei ve.

– Agencies

Comments

comments

Comments

%d bloggers like this: