FPTP, Yangon In Hruaitu Hrilawknak Le Rawlei Khawmnak Nei

Yangon | January 23

Falam Phunsang Tlawngta Pawlkom (FPTP),Yangon  pawl cun January 22, zarhpini ah kum 2012-2013 hrang hruaitu hrilnak le tlawng rak theh suak zotu pawl thawn rawlei khawmnak an neih thu CT thuthanglatu le tuanvoneitu Chinlandrose hnen ihsin thu kan dawng.

FPTP cun January 22, zarhpini nazi 1:00pm ihsin 5:00pm tiang hrilawknak program an nei ih hi program ah FPTP member Salai Thang Bawih in fehkhawmtu pawl fawrhfialnak le thanzang peknak a nei ih cuhleiah Biazai nganthiam le Nunthuleng lalnu tiih theih larzetmi Mai Sok Hlei Par in ‘self-improvement’ thuhla thawn pehparawin thusimnak a nei.

Cuhleiah, FPTP hruai tu hlun Salai Nun Pek Thar hnenah upat sunlawihnak laksawng leh tawngkam laksawng khal a fehkhawmtu pawl in duhsaknak thawn an pek thu Chinlandrose cun a rel tel bet. Kum 2012 – 2013 hruaitu thar pawl cu tlawngta pawl le hruitu pawl lungkimnak in hril an si ih an hriltlinmi pawl cu FPTP hrangah hruaitu tha le rinsantlak an si theinak dingin Pathian hnenah apnak khal an neih cih a si.

“Hi vek ih can tha le nuam kan hmang thei hi a lungawi um tuk. Ka veikhat telnak cu a sinan mipi fehkhawmtu pawl an phurin ka tha khal a tho zet. Short speech ka peknak khal ah tampi hlawnak an neih ka zum. Thazang ka pe ka tinan keimah riangri tha zang ka ngah in ka thei. Hmailam khal ah FPTP hrang theitawk in pum ka peaw ve ding. ” tiah Chinlandrsoe in a rel tel bet.

Hruaitu Thar Le EC Thar pawl :

President : Peter Thian Bawm Sang
Vice President : Lal Hnem Mawi, Sui Ngun Bik
EC member : Salai Bawi Ham Thang, Salai Thawm Lian Uk, Salai Joseph Biak Ceu Cin
Treasurer           – Mai Mite
Assistant Treasurer :  Mai Mawi te, Mai Nem Nem

(Visited 50 times, 1 visits today)

Comments

comments

2 Comments

  1. President rule in nan feh si maw? Secretary ka hmuh lo.

  2. Yangon Chin minopawl nan cangvaihnak thuthang ka rak siar theu ih hmun dangih um Chin mino hrang thazang si vivo hram uh.

    A hleice hruaitupawl Pathian in tlunlam fimnak thawn lam hruai hramseh.

    Dam le tluang tein,
    Salai DL Senling

Comments

%d bloggers like this: