Fimnak Ih Khulfung

August 28

Zarhte Ni 

Fimnak Ih Khulfung 

Siar:

Johan 8:1-11 

“Cule a thupekmi cu kumkhua nunnak a si ti ka thei. Curuangah ka simmi hi ka Pa in sim dingih i fialmi a si,” tiah a ti.   – Johan 12:50 

Kumkhat Sung Baibal:

–   Saam 123-125

–   I Korin. 10:1-18 

Farasi pawl cu mipa thawn an sual laifang ih an kaihmi nu an run hruai ih Jesuh hnenah, “Himi nu hi ziangti’n so kan tuah ding?” tiah an sut. Jesuh cu a kun ih leilung ah a kutzung in ca a ngan (John 8:6-11). Ziang a ngan ti kan thei lo. An sut saal tikah, “Nanmah lakah sualnak a tuah dah lo mi in hmaisabik ah lungto thawn deng uh (c. 7) a ti hngai. A ttongkam hi Farasi pawl hmasonnak ah hmual a nei ngaingai, an sualnak an thei aw ih an tlan hlo ttheh. Hih ttongkam cu tuih ni tiangah leitlun ah a thang.           

Jesuh cu a Pa thawn ziangtluk in an naih awk ti cu a ttongkam ah kan hmu thei. “Ka simmi hi ka Pa in sim dingin i fialmi a si,” a ti (John 12:50). Kannih tla cuvek in Pathian kan Pa thawn pehtlaih aw ringring ding kan si ih midang tla a fimnak thawn thulet ding kan si.           

Jeim in, “Thutheih duhnaklam ahcun a zamrang mi si uhla, ttong ding le thinhennaklam ahcun khulfung mi si uh” tiah in sawmngiar (Jeim 1:19). Theih lonak, zianghman lo, ttihhrutnak, sualnak le ningzahnaklam ih khulfung a si lo. Pathian le a tumtahnak parah daite ih um, fimnak ruangih khulfung a sim duh.           

Kan ttong hlan ah cawlta ih thuruat ding in sim ttheu. Pathian hnenah a fimnak thu ngai in um ding kan si.     – David Roper 

Bawipa, Na aw in theihter aw,

Kan thinlung sungah na thutak um seh;

Khrih hnen lawngah a dikmi kan si thei dingih,

A tuah dingmi kan thei ding.   – D. De Haan 

Pathian Thu mi na sim hlanah Pathian aw ngai hmaisa ta aw.

(Visited 29 times, 1 visits today)

Comments

comments

Comments

%d bloggers like this: