Fikfa Ihsin Fimzirnak

August 8

Nipi Ni 

Fikfa Ihsin Fimzirnak 

Siar:

Suahlanak 8:16-19 

Mi lungruh va si hlah uh. Nan pupa pawl Pathian dodal an rak si vek cun si hlah uh; Hramlak ih Pathian an hniksak ni ih an rak um vek cun um ve hlah uh.    – Hebru 3:8 

Kumkhat Sung Baibal:

–   Saam 74 – 76

–   Rom 9:16-33 

Nitin kan Lamleen kel vekih lamzin kan fehlai ah fikfa-kawngsang burpi ka pah ngah pang. Ka pah laifang ahcun ka theithiam lemlo na’n a nehhnu ahcun ka kut le ka ke in keunak hma pawl ka hmu. A burpi ih a zammi fikfa rual lakih ka fehnak ah ka taksa parah thak le hma a rak um ih a nuam lozet.           

Hih ka hmuhtonmi thu in, Israel mi pawl Faraw in a thlah duh lo tikah Pathian cu Izipt ram ah fikfa ruangih natnak a thlenter thu i vun hmu suakter. Fikfa (lice) timi cu Hebru ttong a si ih kannih ih kan fiang theinak dingah kawngsang (gnat or mosquitoes) tinak khal a si thei. Suahlannak 8:16-18 ah, cuih fikfa tamzia cu nelrawn ram ih vunnel thawn tahtthim a si. Porh awk hmangzet Faraw ih puithiam pawl an kholh awknak hmun pawl cu fikfa in a khat thluh. Pathian in himi harsatnak cu Faraw siangpahrang in a nun sir-aw in Israel mi pawl fehter dingah a umtermi asinan a lung a hakter thotho.           

Pathian in Amai’ lam na hoi theinak dingah na nunnak ah thil a thlentermi a um pang maw? A hnenih kir saal ding le Amah thawn um tlang dingin a lo leem dah maw? (Galati 5:25). A sawmnak parah kan lung kan hakter hrih ding maw. Cuhnakin Pathian hnenah pan in (Jeim 4:6-8) thlaraulam thu ah ziangmi si in zirh duh? ti’n sut sawn uhsi!   – Dennish Fisher 

Ni cun tlakrawh si dingah leidip a hakter,

Khuaiseng cu duhduh ih tuah dingah a neemter;

Cuvek in mi hrekkhat thinlung a hak ding,

Midang cu sui vekin an thiangfai ding.   –Sper 

Pathian cun sualphuannak ihsin mi lungawi si dingah

sual theihternak ah in riahsiatter.

(Visited 28 times, 1 visits today)

Comments

comments

Comments

%d bloggers like this: