Fiang teih Theitu Si Aw

January 3

Tlawngkai Nili

 

Fiang teih Theitu Si Aw

 

Bible Siar Ding: Matthai 16:5-12

 

Jesuh in an hnenah, “Daithlang hlah uh! Farasi le Sadusi pawl ih thilnu khi ralring uh,” tiah a ti.

–         Matt. 16:6

 

Kum tampilai ihsin zoihnittu pawl in, “Coffee cu kan harhdamnak hrangah a ttha lo,” ti’n an rak sim zo. Atu ahcun zingzoitu pawl in tthazet ih an hliakhlainak in a langtermi cu a tawkfang teih coffee in thiam cu natnak hrekkhat ngah lo dingin in kham saktu a si ti’n an hmu. A thupimi tawhfung ttongfang cu “a tawkmawi (moderate)” timi hi a si.

Taksa pum hrangih ei le in kan raalrin le fimkhurzet a ttul bangtuk in Jesuh in thlaraulam ih zirhnak sual pawl kan ngai le cosaan tikah a dik le dik lo fiangzet ih theithiam (discerning) ding a ttul zia raalrinnak a pek hngai.

Tuni ah, Pathian Ttongkam (Bible) ron tahrat ih thusimmi phunphun kan thei, Biakinn ihsin television ah, cabu pawl ihsin internet ah tampi kan thei. Sihmansehla, Bible in fiang te’n thei ih thleidan thiam ding in sim, kan ngaimi, kan siarmi le kan theihmi thu pawl hi a dik maw dik lo ti Bible thawn khaikhin (compare) in ttha te’n cekfel ding a thupizet. Berean khua kawhhran mi pawl cun Paul ih thusimmi hi Ca Thianghlim thawn a kaih aw maw? a dik maw? ti’n an zohfel (Tirh. 17:11).

Zirhtu pakhat ih thusimmi kan zum ding maw zum lo ding timi thutluknak tuah tikah rualpi sinak le milaar an sinak parah tthum awk ding a si lo. Kan zumnak siatsuah theitu zirhnak sual ih “thilnu (yeast)” kan raalrin a ttul.

 

Thianghlim Bawipa, fiangzet ih na thuzirhmi parah ka lungawi. Ka zirmi thu ziangkim Bible thawn a kalh awmi theithiam dingin in bawm aw.

Pastor le Evangelist pawl ih thuthangtha sim ka ngaimi pawl kha Bible thawn a mil aw maw? ti’n ka cekfel ttheu maw?

 

@Ava Pennington

(Visited 29 times, 1 visits today)

Comments

comments

Comments

%d bloggers like this: