Afghan Taliban Pawl In Kawlram Dem

Imdad Hussain | ISLAMABAD: Kawlram ih Muslims ngaihsaklonak le thahnak a phunphun thu ah Afghan Taliban pawl cun Kawlram thiamlo a co ter ih nasa zetin a demnak a lang ter.  Amnesty International (AI) in Kawlram ih Muslim pawl tiduhdah an si thu an phuan veten Afghan Taliban pawl cun leitlun hmun dangdang hnenah an duhlonak an langter ve.

Afghanistan, Taliban Spokesman Zabihullah Mujahid cun Kawlram acozah hnenah Muslim Rohingyas parih riahsiatnak le buainakpawl cawl ter dingah a dil ih nauhak hmuhsuamnak le nunau pawl duhlocing ih sualpinak pawl khal um nawn lo dingah a ngen. Muslim Rohingyas pawl hmuhsuamnak pawl  hi  media pawl in an langter duhlo ruang khalah  Zabihullah Mujahid cun a lungawilonak a langter ih Kawlram acozah pawl hnenah a demnak thu a sim.

Afghan Taliban pawl cun UN pawl, Muslim community le Jazeera network pawl hnenah hi harsatnak thuhla sim theinak an nei ih zamrangten mah le hnatuan cio hlensuak lohli dingah an sim thei. Tuikum June thla sung ihsi buainak ah mi 2,000 lenglo in harsatnak a phunphun ruangah inn neilo in an khawsa ih mi 10,000 lenglo in an nunnak an liam bet. Daily Times

(Visited 46 times, 1 visits today)

Comments

comments

Comments

%d bloggers like this: