Fever Pitch

February 28

Zarhte Ni

Fever Pitch

Siar: Matthai 22:34-40

Na innhnen kha nangmah na duhdawt awk vekin na duhdawt ve pei. – Matthai 22:29

Kumkhat Sung Baibal: Saam 114-116

Fever Pitch timi zuknung (movie) sungah Ben Wrightman cu Boston Red Sox baseball team a aatpi. Tthaal caan thawh pek le tthal caan sungih an lehnak hmuahhmuah ah a pelh dah lo.

Khawsik tikcu ah Ben cu Lindsey timi nunau nu thawn an duh aw. Tthaal caan thawh tikcu baseball lek caan a thlen tikah Lindsey in Ben cu midang pi vekin a hmu. Ziangahtile lehnak hmun an feh tlang lo ahcun Ben in a fala nu hrangah caan a pek thei nawn lo.

Ben ih baseball aatpi ruangah Lindsey in a tthen. Ben ih rualpa in, “Nang cu Sox na duhzet. Asinain Sox in teh a lo duh kir ve maw?, i sim hnik aw” tiah a ti. Cumi ttong in Ben cu co-u (priority) a pekmi a ruatter saal ih a duhdawt mi le amah khal duh kirtu a fala nu caan pek dingin a ruat aw saal.

Mai’ duhzawng nomnak a phunphun, cangvaihnak a phunphun le thil ttha pawl tuahnak in tikcu caan kan hmang. Asinain co-u pek ding thil kan hril tikah kan ruah ttulmi thil pahnih cu Jesuh in, “Na Pathian cu a thinlung zate’n na duhdawt pei … Na innhnen kha nangmah na duhdawt awk vekin na duhdawt ve pei,” (Matt. 22:37-39) tiah a ti.

Kan thiltuahmi a khing a dik lo tikah kan sut awk dingmi cu, “ka tuah duhmi le ka cangvaihnak pawl hin in duh kir maw?” Pathian duhdawt le milai duhdawt cu thil dik tatak a si.

Zohtthim dingmi upat tlak keneh pawl thlun aw,

A hnattuan cu a thianghlim ih a ttha;

Cutikah leilungpi cu kan Pa ih Biakinn vek a si ding,

Duhdawtnak nun cu lungawi thangtthatnak Saam hla a si.

Pathian duhdawtnak midang thawn kan ttawm awk tikah,

Pathian kan duhdawtnak kan langter.

Comments

comments

Comments are closed.

%d bloggers like this: