Feh Hmasa pawl Lamhmuhtu

July 11

Zarhte Ni

 

 

 

Siar:

2 Korin 5:12-21

 

Ka tumtah ringringmi cu Khrih an theih dah lonak hmun ah thuthangttha phuan hi a si. Ziangahtile midang in a hram an rak bun cianak hmun ahkhan va sak bet ding cu ka duh lo.    –Rom 15:20

 

Kumkhat Sung Baibal:

–   Saam 1-3

–   Tirhthlah 17:1-15

 

Kum zabu 19 nak thokpeklai ah American President Thomas Jefferson in tipi-thuanthum tiang a kaumi Louisiana ram a rak lei ngah.

 

Cuih ram kaupi ih thuhla cu zohman in an thei lo. Pacific tipithuanthum tlawng hmaisabiktu hrangah a thuhla zir le ramzuk ken a ttul. US thuanthu ah Lewis le Clark cu cuih ram thar vaitu pawl hrangah lamzin sial hmaisabiktu an rak si. Midang pawl ih thlun ding lamzin thar an sial.

 

Pathian hna ttuan dingah Paul ih pumpek awknak khal hi cumi vek a si. Rom 15:20 sungah hiti’n a ngan: “Ka tumtah ringringmi cu Khrih an theih dah lonak hmun ah thuthangttha phuan hi a si. Ziangahtile midang in a hram an rak bun cianak hmun ahkhan va sak bet ding cu ka duh lo.” Pathian hnattuannak ah midang ih thlun dingmi lamzin sialtu ding si a duh.  Timothy, Titus, Mark le Silas pawl cu Paul ih sialmi lamzin thluntu an si.

 

Rundamnak thuthangttha leitlun killi netnak tiang phurtu Jesuh ih dungthluntu pawl nunnak ah pumpek awknak kan hmu. Kannih khal Khrih ih palai kan si vekin kanmai’ san ih minung pawl hrangah lamzin thar sialtu kan sinak ding Pathian hnenah thluasuah dil uhsi! (2Kor. 5:20).

 

 

Himi hi kan hnattuan si cio seh,

Thutak simphuan le thlacamnak;

Zo cio khal in midang tthatnak hawl hngai seh,

Jesuh bang duhdawtnak thawn nung seh.

 

Pathian in midang hlawm dingah thuthangttha a lo pek,

nangmai’ hrang lawngah ret men hlah.

(Visited 32 times, 1 visits today)

Comments

comments

Comments

%d bloggers like this: