Feb 14

Feb 14

Tuisun ni hleice niah
Kutkai aw in lengtlang ding kan si na’n
Umtlang ding khal kan si na’n
Nuamtlang ding khal kan si na’n
A va poi ve
Tlangza le tipiin in dang cu

Na zum maw?”……”
Nang na tellonak zaan pawlah
Si-ar pawlhman an suak duhlo
Thlapa khal a eng duhlo
Nang cu ka thimkhawzing na si
Hmanseh ka zing ni engmawi khal na si thotho

Ka hrangah zo na si ti na thei duh maw?
Nang cu ka lungawinak na si vekin
Ka riahsiatnakbik khal na si
Ka damnak na si vekin
Ka natnak hmasiabik khal na si
Ka thawtmi ka thaw na si vekin
Ka thihnak thlankhur khal na si

Tuisun ni hleiceah kan hlanaw ding
Kan neihmi duhdawtnak le rinumnak zate’n
Nang cu ka hmailam neitu na si si
Ka thazang le ka cahnak khal na si

Nang cu ka neihsun na si
Keikhal na t’ulbikmi ka si ve
Curuangah kan duhdawtnak pawl kan uaiter dahlo ding
Tiva kiangih a khomi thingkungpi bangin

Thisen luanin thuanthu kan ngan tlangding
T’hal caanih nisa,
Fuur caanih ruahpi,
Thlatang caanih khawsik khal kan tuar tlang ding

Thu kan tiamding
Pathian hmai le minung hmaiah
Tarkun tiang uaini neilo duhdawtnak le rinumnak thawn
Nungtlang dingin

Tuisun ni hleice niah
Kut kaiawin lengtlang ding kan si na’n
Umtlangding khal kan si na’n
Nuamtlang ding khal kan si na’n
A va poi ve
Tlangza le Tipiin in dang cu

Mai Zilthli Lal Nei Thluai

Bet: Chin IT Knowledge pawl ih tuahmi Valentine’s Day Biazai zuamawknak ih pakhatnak ngahtu biazai a si.

(Visited 67 times, 1 visits today)

Comments

comments

2 Comments

  1. na va thiam ve …cu lawm man..

  2. Biak Nei Mawi says:

    A titha tuk. Kan laimi mino tete in biazai kan run ngan vivo thei cu a lungawi um tuk.

Comments

%d bloggers like this: