FBC Biakinn Par Ihsin Tlaaktu Wai Yan Kyaw A Dam Deuh

Falam Baptist Church Diisapthlak (tii tlaaknak) remnak ihsin a tlaak ih lunghlo in Hakha siizungpi ah a umtu Ko Wai Yan Kyaw cu atu ah a dam deuh vivo thlang tiin FBC pastor Rev. Thang Za Khum in a sim.

Kan dung zarhte (June 24) ni ah biakinnpi remnak ih hnaṭuan rero tu Ko Wai Kyaw cu kaililawn par ihsin a tlaak ih Falam siizungpi ah an kuat lohli na’n Hakha siizungpi ah an refer ti a si.

Hih thu ah Falam siibawipi Dr. Min Zaw Aye cun, “specialist siibawi pawl an um ko na’n CT Scan zuknak a um lo ruangah Hakha ih kan refer nak a si. Hakha khal ihkhun 200, Falam khal ihkhun 200 a si na’n Falam ahcun CT Scan cet a um lo” tiah a sim.

Ko Wai Yan Kyaw cu Pyinmana lam ih ummi siin FBC ih kuli ra hlawhtu pakhat a si ve. Amah cu atu ah Hakha siizungpi ah a um ih a nupi le kum 1 le thla 4 fate in an tuamhlawm rero ti a si.

Rev. Thang Za Khum cun, “mizaan khal ah an nu in in run phone ih a zia ngaingai ti a si. A ṭong thei hrih lo na’n a duhmi zung khih in a tok thei ih a lung a hlo lo tiah ruah a si ti’n i sim. Biakinn remnak ruangih cangsual tuartu hrangah thlaza cam saktu zate hnen ah kan lungawi” ti’n a sim. Atu ah Ko Wai Yan Kyaw cu Hakha siizung ihsin a umnak Naypyidaw lam an an tlunpi zo tiah kan thei a si.

Comments

comments

Comments

%d bloggers like this: