Far Men Par le PBK Lian Khuma in Falam hla VCD tuah ding

Can reizet a dang a nat ruangih, tong hman tong tha thei lo le, hla hman sak ngam lo ih a um hnu ah, Pathian mi le pawl thlacamsak nak ruangih dam, kan Laimi hlasak thiam, a hmin cuai thei lo le hngilhni um nawn lo ding khawp ih hmintha nei, Far Men Par le Mizoram ih Thangthatnak hlasak ruangih mi lungthin neh thei zettu, PBK Lian Khuma cun Falam hla VCD tuah an tum thu, Far Men Par in CT a sim.

Nu Thang Nawn (Tu Aizawlih um) tei innsungsang ih sponsor ih tuah ding mi, Falam VCD ahhin hla 13-14 um ding ih ruahman a siih, hmansehla Far Men Par ih a dam that lo ruang sawn ah, duh vek in an zamrang thei hrih lo. Far Men Par hi tuah, Aizawl ah zohaw ter phah in a um ih, a dang (Throat) ah tit, fa te a cawr suak ih, cumi cu operation a si ding le ding lo khal theih a si hrih lo. Ni 10 sung ei ding si an pek mi a ei theh hnu ah zoh sal ding a si thu CT palai hnen ah a sim.

PBK-a khalin, a can lawng lo zet karlakah a theitawk in Falam hla a zir phah rero ih, hma a sawn cak zet. Damthatlo ruangih cak zetin hmansawn thei lo khalsehla, tui Krismas hlan sung ahcun theh man tengteng an tum. Amah Far Men Par cun, operation silo ih a dam that sal theinak ding hrang thlacamsak dingah, ramsung ramleng um kan Laimi pawl a cah.

(Edt: Kan Laimi pawl ramsung ramlengn ih um khal, Pathian thangthatnak hla VCD tamsawn kan neih theinak dingah, Sponsor uar sinsin cio uhsi).

(Visited 167 times, 1 visits today)

Comments

comments

4 Comments

  1. Na va ti tha ve.
    Na thuthang nganmi siar ka ngaizet si maw.
    Ngan thiam zuarzo ee.

    Si rori kan Laimi hin sponsor kan uar a tul thlang.

  2. Ka lei cih ding.
    Thla cam sak cio uh.
    A ngai ka hiar nawn zo.

  3. A valungawi um ve, suak lohli sehlaw ngai a cak um tuk aw.
    Lei ka bawh khiaukhi- keuki.
    PaPathian in dam caknak pek seh.

  4. Pathian sunglawi sin seh law, Ka Mi uar veve an si si
    a suah hlan in ka booking cia ding kei cu
    cutluk a si ko

Comments

%d bloggers like this: