Fapa tlanhlo thu (Capoh)

Fapa tlanhlo thu (Capoh)

By: Hniangsinpa

Fapa cun a pai’ hnenah, “Ka pa ka ro covo I pe aw” tiah a ti. A pa cun, “Na ninghman zak lo, keimah hman ka ro duhzat ka khawl hrih lo. Cu hleiah, nangmah tiang hman hi ka ro na si hi” a rak ti. Cuticun, fapa tlan hlo cu ram hla pi ah a tlan hlo ih, cui a umnak ram ahcun tram (famine) nasa zet in a tlak, pa pakhat le phei cun, paikawng phur li (4) lai a rak sar man.

Eiin ding a nei nawn lo ih, mi Vok rawl pe tu dingin a um. Vok  rawl ding ngai khal a rak um lo a si ding, a suannak bel cu a vuak sawp neknek ta ih, thirsia ah a va zuar. A tlun lam ahcun, palik in an rak kaih. A feh vivo ih, suam hmang a tawngih, a hni puan cu nasa zet in an rak vuak, hmansehla amah cun na a ti lo.

Ka zum thei lo

Kum 80 laiih upa cun Doctor hnenah a va piahaw ih, Doctor pa cun, “Ziangtin ha na um?” tiah a rak sut. Kum upa pa cun, “Ka nuam thei ngai love, ka taksa hi a rit in ka theiih, thawh len ka tho thei fawn lo. Cu sabbai ah, nupi kum 18 mi ka neiih, fa a rak pai lailai sabbai, ziangtin ha a si ke” tiah a sawn.

Doctor cun, “Thuanthu ka lo ruah ding, mi pakhat, sapel thiam ngaingai, a hmaiih ra suak hlah dahlo tu a um ih, veikhat cu hram lakah sa pel in  a suak. Ruah mallai a sur ruangah a kedam nal thawn a tawlh pang. A van siatah a meithal silo sawn, a nithawng  a lak ngah. A rinlo paralah a hmai ahcun, Savawm tum ngaingai a rung lang dukdi!!! A lak mi kha a meithalah a neih ih, Savawm cu a hei tin… “

Putar cun, “Cun ziangtin a cang?” tiah a rak ti lohli. Doctor cun, “A ni thawng ko cu a hmet pharh ih, cule veten savawm cu a ril ih, a thi” tiah a rak sawn. Putar cun, “Ka zum lo, cuvek a cang thei lo, miin an rak kap a si ding” tiah a rak sawn. Doctor cun, “Cucu lo ziang ka lo ruah duh… midang va si na hlam…” a rak ti.

(Visited 225 times, 1 visits today)

Comments

comments

2 Comments

  1. Hahahaha… Hniangsinpa ka dam rei phah ding si hi!
    Sivai thatha thawn in rawn tuamhlawm theu ih man hla theituk aw!

  2. Midang hniding in tuah thei hi a tha zet. A si nan PT thule hla telh ih hnih suah sai hi a tha ka ti lem lo.

Comments

%d bloggers like this: