A Fapa Kum 2 Mi In A Nu A Hlam Ruangro! A Nu Kirzai A Rello; Nu Cung Hnem Khawi Na Um!!!…

Salai V Bawi Lian

Falam peng, Zomual khua ih siatralnak April 30, 2017 zaan ih thleng Pa Khup Hlei Mang ih a thainu, Nu Cung Hnem cu a fapa kum 2 mi te, Ngun Sui Bawi cun a hlam ruangro!! A nu cun a fapa ih umhar le a ngainak pawl hahduahdo cingin pialral a rak kai zo fawn!!

Ziangtheilo nauhniang te cun, tu le tu ka nu khawi ah a um? Ka u te pahnih teh khawi ah an feh? Ziangah ka nu cu a rak tlung hrihlo a ti? A pai’ hrangah ziangtin a let ding!! Rel ding theih a va har zik em!!

Zantlai a kim, nauhniang ihthah a thaw lo, duat tei’ rawl fahtu a nu tello in a pum a puar theilo. A nunnak in amah hrangih nun petu a nu a hlam!! A ngai bikmi a nu cu kirzai a rel theilo. A cui siatralnak meikang cu!!! Nauhniang te zaantin mangbang anhai in a um. Zing nithar in a nu a hlamnak a titam sin… Aw hibang ṭian awk hi a va na em!!

Kan Bawmnak An Va Tul Em!

Nauhniang ih ṭahnak le umharnak hnemtu ding hrangah midang ih hnemnak le umpinak hngak hlah. Nangmah rori khal Vancungmi na si thei. Na tuahthei mi sunsun te thawn na kut saan ve aw.

Sumpai, Thilri, Thazaangpeknak le a dangdang mah le tithei tawk cio thawn theihtawp suahin bawm cio uh si.

Tu fang te hi naute le a pa lawng umhar lungleng zetin caan an hmang.

Fanu Neih Sun Mai Bawi Tha Men Zuun Ah A Nu Luaithli A Hnul

Kangmei ih a ciam pimi Bu Tial Nei Dim ih a fanu neihsun, Kum 11 mite Bawi Tha Men, a nu ih a zuun tuar luaithli a hul theilo. Phun 5 ong pekte a si ruangah phun 6 kainak ding hrang a nu cun, kuli hnaṭuan in a fahniang le hrang a feh. Pa an neihnawnlo ruangah a nu cun a u le pathum thawn a hmeihpi.

Nunhar fualfo ruangah ruun in hmunkhat hlum man loin a nu cu fanau hrang a sur le sa ah a phar diapdo. Cu laiah zangfahnak neilo kangmei cun a fanu neihsun Mai Bawi Tha Men cu zaan a ih thahthawt laifangah a nu le a unau pawl mangṭha tita man lo in a ziampi. Lungthin hi a kuai in a na ko!!

Riahsiat tuartu hi innsang pahnih hnenah kan tithei tawkte zahlan cio uhsi!!

Hi tiih lungkuai thinpem za an parih a thlen laiah kan ni a laicin unau pi Chin mi pawl, an riahsiatnak tuarpi loin kan um theilo! Thlacamnak te talin bawm cio uhsi.

Chinland Today Help Team in an hrangah leitlun um Chin mi pawl hnenah za kan saansak!! Bulpak ih bawmnak kuat duh pawl rak kuat cio uh. CT Help Team feh tlang ih bawm duh hrang khal comment nak in siseh, pehtlaih ding mi kan ret mi hnen khalah rak pehtlaih cio uh.

Midang pawlkom hnen ihsin bawmnak pek ding khalin nan kut suup hlah uh. A remcang nak ihsin rak bawm cio uh.

Kangmei lakih nunnak caantu pawl cu :-

1. Nu Cung Hnem (kum 26),
2. A fapa Salai Zung Tin Piang (kum 5),
3. Salai Eleven Za Kap Ve (Kum 4) le,
4. Mai Bawi Tha Men (Kum 11) pawl an si.

Pehtlaihnak:

Chinland Today Help Team

Ramsung:
Salai Siang Lian Uk Kianghrol
FB: Sianglianuk Kianghrol
PH: +95 9253874070

Ramleng:

Uk Lian
FB: Uk Lian
Email: uklianjune6@gmail.com
Phone:0421841138

Online ih Peknak:
(https://www.gofundme.com/59hq7-nu-cung-hnem-innsang-bomnak)

Zuk: Hmaisa sawn – Nu Cung Hnem, a pasal Pa Khup Hlei Mang le a fapa Ngun Sui Bawi, Neta Sawn zuk; Pa Khup Hlei Mang le Nu Tha Nei Dim kum 11 nute Mai Bawi Tha Men ih nu.

Zuktu ; Pu Dar

(Visited 348 times, 1 visits today)

Comments

comments

Comments

%d bloggers like this: