Fanau Hrang Nun Petu Nu Ralṭha Cung Hnem Ih Innsang Bom An ṭul

Cung Hnem

April 30 zaan ah Pu Khup Hlei Mang tei’h ruuinn pi ah kaangmei a suak ih, a nupi fanau le an rothil zaten a kaangral thluh.

Pu Khup Hlei Mang ih nupi Nu Cung Hnem cu, kangmei lakah a fanau rual pawl ruunsuak dingin meihlio a luhcilh ih an nu farual suak ngah nawn loin kangmei lakah an nunnak a cem ta.

Kangmei lakih nunnak caantu pawl cu :-

  1. Nu Cung Hnem (kum 26),
  2. A fapa Salai Zung Tin Piang (kum 5),
  3. Salai Eleven Za Kap Ve (Kum 4) le,
  4. Falam ihsin a ra tlawngtu Mai Bawi Tha Men (Kum 11) pawl an si.

Hi inn kang cu Chin ramkulh, Falam peng, Phautluan Area, Zomual khua ih Pa Than Nawn ih inn a si ih, nunnak caantu cu a fapa Khup Hlei Mang ih nupi le a fanau rual an si.

Tuksumza vansiatnak a tongtu Pu Khup Hlei Mang ih innsang hrang le arak luat ngahtu an fahniangbik mithli thawn caan a hmang rero lai tu pawl bomnak dingah Chinland Today Help Team in MMK 300,000 a pe ding.

Himi bomnak tlun ah tel ding in mipipawl zangfah kan lo dil a si. Zangfah an um daanzia le bom an tul daanzia simfiang a har a si. Mah le pek thei zat in bomnak sumpai pe dingah zangfah kan lo dil a si.

Online Ihsin Bawmnak Pe Duh Hrang : (https://www.gofundme.com/59hq7-nu-cung-hnem-innsang-bomnak)

Ramsung Um Ih Bawmnak Pe Duh Hrang

Salai Siang Lian Uk Kianghrol

FB: Sianglianuk Kianghrol
PH: +95 9253874070

 

Duhdawtnak Thawn

Chinland Today Help Team

 

Comments

comments

Comments

%d bloggers like this: