Famkim lo le tawntai

Famkim lo le T.awnt.ai

Siar:

1Korin 1:18-31

Micak le thil tithei pawl ningzahter dingah leilung ih mi t.awnt.ai timi kha Pathian in a hril.

-1 Korin 1:27

Kumkhat Sung Baibal:

1 Peter 1-5

Thufim 14:25-35

Ka nauhak lai ih ka uar mi cu Davy Crockett, “ramlak siangpahrang” a si. A raal tthatnak le a thil tuah daan ka uar ngaingai.

David Crockett ih hmuh tonmi thu an nganmi ca uk ka siar. Amah cu thilsual tampi a tuah ih harsatnak phunphun a tong ti ka theih tikah ka mang a bangzet. Amah cu mi tlamtling lozet a si.
Amai’ thu ka theihmi in ka tha i nauter nain khatlam ah thazaang khal i pek thotho. Amah hi ka zum vek a rak si lomi in ka tha i nauter nain a taktak ih hmuhton theimi a sinak hin thazaang i pek ih a raaltthatnak ka uar.
Baibal sungah Pathian in mi famkim lo a hmang ttheu.Kan cah lonak sungin Pathian ih cahnak a lang. Kan fel ruangah si loin Amai’ famkimnak thawn kan sungin hna a ttuan. Anih cun mi ttawnttai a hmang ttheu (1Kor 1:27). Nang le kei cu a hnattuantu dingih hril mi kan si.
Pathian in micak le thil tithei a hawl lo. Mi famkim lo le mi ttawnttai a hmang ih a cahnak le a zaangfahnak a langter. Ttuan duhnak le pumpeknak thinlung a duh.
Thil tleu le mawi na taathriam mi a si lo,

Degree na ngahmi tla a si lo;

Bawipa cun Amah riantu ding,

Lungawinak, nauhak vekih duhnak lungput neitu a hawl.

Pathian hnattuannak ih tthabik cu kan pek awknak a si.

Comments

comments

Comments

%d bloggers like this: