FALAM ZION PRAYER GROUP PAWL THUHLA

Bawi khrih hmin in na kut ka lo kai. Kan dungah kan thuhla kimcang lo

le famkim lo in ka lo kuat ih a tu ah kimcang sawn in lo sim than leh

sal ka tum.

Tui hlan ahcun Falam Khua le Ram hrang Rawl ul thlacam nak hmun Zion

ti asi ih a tu ah cun a hmin kan thin silo in kawh remcang deuh dingin

“FALAM ZION PRAYER GROUP” ti siseh tin 9/8/2009 (Sun) ah Falam ih

BCJC Office ah kan rel. Kan thlacam nak hmun tak cu ZION tlang ti asi

ko.

Cun, hi mi Group hi Falam khawsungih a um mi pawlkom pawl:

1. FCC Falam Council of Churches

2. FECF Falam Evangelical Churches Fellowship

3. FMF Falam Ministers Fellowship

4. FNP Falam Nunphung Pawlkom le

5. Falam khuanu khuapa

Pawlih theihpi mi leh lungkim mi Group asi.

Committee pawl:

Rawl ul thlacam Committee:

Pa Lian Dai Lo             : Chairman

Rev. Van Chum                        : Vice Chairman

Pa Thang Sin                            : Secretary

Evan. Thomas                           : Assistant Secy.

Pi Za Bil Cuai                           : Treasurer

Rev. Khua Lung                       : Join Treasurer

Evan. Hal Luai              :

Building Committee:

Rev. Tlang Biak Thang  : Chairman

Rev. Kam Tlung                       : Vice Chairman

Rev. Hrang Tho                        : Secretary

Pa Lai Hnok                             : Assistant Secy.

Pa Thla Nawl                           : Treasurer

Rev. Khaw Tin Ling                  : Join Treasurer

Rev. Ye Aung                           : Pa Lian Tin Hre

Advisors/Thurawn Pawl                    

Upa Hrang Lawm Thang

Pu Sum Ling

Rev. Lawm Bik

Auditors:

Pa Mang Lian

Sayagyi Leng Tin Hre

Tumtah mi:

Falam khawsung lawng silo in rawl ul ih thla a cam thei tu in a um nak dingah.

Rawl ul thlacam nak inn sak thei dingah.

Kan khua le ram Thlarau Thinlung le Taksa ih kan thanso theinak ding ah.

Tlawsuah thar kan co thei nak dingah.

A hmun le ram hi Zathlir ram asi ih Zathlir khua le ram hruaitu pawl

in siang zet in in pe ih an parah kan lung a  awi. Kanram cu cozah in

leilung zate an nei ih duh poh ih inn le lo sak a theih lo ruangah

Land Record Officer pawlin Falam khawsung asi lo ih a ram neitu in an

lo pek ah cun buai nak a um lo ding an ti. Inn sak theinak sian nak

khal cu sak phawt uh la cu hnu ah a tul daan in kan lo bawm sawn ding,

nan sak hlan ih cu vek dil cu thu hla a tam duh sawn in ti.

Cu ruangah a tu ih sumpai malte lai kan neih mi in Tlauhmun khua ih

thingah Ks. 750,000/- man lei ding le a tul lai mi thing at ding in

kan lung a kim tlang.

Kan inn sak tum mi khal cu 70’x30′ si lo in 36’x18′ in sak siseh kan

ti. Cun tisa suan nak coka khal sak siseh kan ti.

A tu ah hin a thing rua lam cu kan hai a daih dingah kan ruat ih a

tluun khuh nak ding le a phar phih nak ding rangva kan hai a daih hrih

lo.

Tui kum sungah hi inn pakhat sak thei dingin thla kan cam rero lai.

Cun Pathian in dam nak in pe asi le Rev. Tlang Biak Thang thawn

tuithla cem lam ah Yangon ih kan Laimi pawl hnenah thlacam nak thawn

leng dingah feh kan tum.

A tu ah Falam khawsung ih  a um mi zumtu pawl cun Every Friday evening

ah thlacam khawm nak an nei thei ringring. Thlathar zarh ih tlangkai

ni li tin ten rawl ul thlacam nak an nei ringring. Hi tin kan khua kan

ram hi thlarau,thinglung Taksa ih kan thanso thei nak ding ruahsan in

kan nu le kan pa pawlin thla in cam sak hi a sunglawi kan ti nasa.

A cang thei bik in in ruahsak ih kan tuan tlang dingah kan lo sawm asi.

Zo in so a tuan cuang ding ih zo in so dung tun san men thei ding!

Note: Pathian hrangah na ti theitawk ziang na tuah ve ding? Thlacam theilo na si hmanah thlacam dingih nunnak le caan a petu pawl hrangah na sumpai neihsun in na tel thei a si. U le nau hi ca na siar veten na thinlung sungah a langmi thil a um ding tin kan zum. Curuangah Pathian sunlawinak dingah na theitawk le siantawk ten in bawm thei a sile, Pakthian a sunglawi sinsin ding. A Bawm thei ding kan um asile, chinlandtoday@yahoo.com ah thuhla in theiter thei a si.

(Visited 45 times, 1 visits today)

Comments

comments

Comments

%d bloggers like this: