Falam Veng Bawi Hrilnak An Nei

Ding Dong
Chinland Today
December 23, 2012

Falam: Falam Uktu pawl  ih hohanak in veng bawi pawl hrilnak tuah fel a si zo thu Chinland Today in thuthang kan dawng. Falam khawpi sungih veng nga (4) Ciinmual veng, Balai veng, Tlanglo le Canbari veng pawl cun an veng tin ih uktu bawi  hrilnak an nei.

1355974611459

Hi vengtin uktu bawi hril ding hi kan rampi acozah hnen ihsi thusuak a siih December thlasung rori ah hrilawk thluh dingin fial an si thu Chinland Today cun thu kan dawng.

Balai Veng in Pu Za Nei Sum le Pu Len Kip Kulh in an cuh aw ih Pu Za Nei Sum (Val Mawi Pa tiih theihlar) cun me 39 sungin 33 ngah in nehnak a co. Balai veng ah inn khi 278 tluk an um ding zum a um. Hi Balai veng an hrilawknakah palai mi 29 pawl an tel thei.

Ciinmual Veng ah me 29 ngah in Michael Za Siah Bawi in lalnak a co. Ciinmual veng ihsin midang zuamtu dang an um lo. Me 37 thlak asinan me 8 lailak ah a tla. Farṭhawk veng ihsin mi pali (4) Pu No Bil Sum, Pu Ngun Khuai, Saya Thang Tum le Pu Lai Hnawk pawl in zuamnak an nei. Farṭhawk veng ihsin me (23) lak in Pu No Bil Sum (10) ngahin nehnak a co ih Pu Ngun Khuai (9), Saya Thang Tum (1), Pu Lai Hnawk (2) pawl in an ngah ih me (2) lailak ah a tla.

Tlang lo veng ih me 44 cu mi (4) in cuhawknak an neiih Pu Hrang Cin Zam in me 20 ngahin nehnak a co. Pu Than Mg (16) lungpi ihsin le Pu Za Lung (7) le Pu Van Hnuai Ling (1) pawl in an ngah.

(Visited 176 times, 1 visits today)

Comments

comments

Comments

%d bloggers like this: