Falam Union Delhi (FUD)in Tin Jubilee lawm

New Delhi|October 24, 2008

Falam Union Delhi cun a kumhra kimnak “Tin Jubilee” cu October 19 Sunday zan nazi 7:30pm ah khan, BCRC Hall Vikaspuri veng ah mi 250 hnak ih mal lo, suak in 2 Chro 7:14 “Ka hnen ih an ra kir sal ahcun, an ram ka ti dam sal ding timi thulu ah hmang in khawm ropi a hmang. Khawm hruaitu Pu Hrin Kam in Bible siar thlacamnak a neih hnu ah thangthar nonawn pawlin zaihla vornak nak in caan an hmang.

FU(D) sungtuan B.S Tin Mang in Delhi Falam Union kumhra a kim daan thu le hruaitu rak tuantu pawl ih hmin pawl sim rel nak a neih hnu ah Delhi ih Pathian hnatuan pastor le thuthangtha simtu Rev. Dr Khaw Lian Uk, Rev. Hrang Than Fai, Pastor David, Saya Sui Nei Piang pawl in mipi hnen ah thucan minit 15 sung ciar sim nak caan an nei.

Fellowship Pastor Rev. Dr Khaw Lian Uk cun ram le miphun a duhdawttu lakih pakhat Pu Tial Khal in kan mipi hrangah hna a raktuan daan le a taksa tiang siat theh ih a hlanawk thu simnak a neih hnu ah mipi pawlin, an lungkim tilangtu ah an za an beng. Minit 15 sung ciar thu a simtu pawlih an phuansuah mi bik cu “Laimi ziangkim ah tan lak sinsin ding” ti a si.

Thu le zaihla a phunkim kan ngai theh hnu ah, Tin Jubilee a ra hmangtu zate hnen ah Dr. Run Bik FU(D) president in lungawithu simnak a nei. Cutin lakphak le sang ei nak kan neih hnu ah Falam Union Delhi ih a Tin Jubilee khawm cu a cem.

Comments

comments

Comments

%d bloggers like this: